Page 24 - min.jus july 7

E reunion cu SEPPA a logra haya cu e mandatario a bay basta bon y e mandatario a keda di
papia cu e director riba e puntonan di preocupacion. Den e di dos reunion cu e Minister, a
informa e sindicato cu e ta bay cambia su “approach” y a dicidi di instala un comision cu mester
analisa e puntonan di e sindicato y di e trahadonan, pero prome cu esey mester cambia cu tur
esnan envolvi. Entretanto, e Minister a pone tur decision di e director “on hold” te ora cu e
comision caba di haci su trabao. “Pero e señora a dicidi cu e ta sigui y a surgi un situacion unda
cu el a dicidi di baha e postbezetting, for di 3 pa 2 y a manda carta pa Minister pidiendo pa e urgi
e director pone e postbezetting manera cu e tabata te ora cu e comision keda cla cu su trabao.”

E sindicato den e proceso a sinta cu e comision y a señala cu tin un problema di comunicacion cu
e director. E keho mas grandi di e trahadonan ta cu e señora no ta scucha su trahadonan, y niun
hende. “E ta scucha ken e kier scucha, y na su manera tambe, pa tuma un decision. “ Loke a pasa
awor ta cu e trahadonan no tin confianza den e señora. E sindicato ta haya lamentable cu e señora
ta drenta den un sector nobo, cu ta diferente for di esun unda cu e tabata traha, no a tuma tempo
suficiente pa analisa e situacion di KIA y wak con e mester atende cu e situacion. “E señora aki
ta hopi arogante, fresco, dictatorial, ta insulta, y ta rebaha trahadonan. Trahadonan no tin
confianza y no ta bay dune confianza mirando den e tempo corto cu el a drenta y kico el a haci
caba. El a duna mas balor na e detenido cu na su trahadonan cu ta su coleganan.”

http://www.diario.aw/2015/07/sindicato-seppa-ta-haya-cu-director-di-kia-ta-arogante-y-dictatorial/