Page 19 - AM240416

Diamars, 16 April 2024 AWEMainta DEPORTE 19
DE p O r TE

deporte@awemainta.com
Ekipo di Aruba Bank ta triunfa n’e di 32 edicion di “Ronde van Aruba”

DESPUES di un evento emocionante, Aruba

Bank N.V. ta orguyoso pa anuncia su exitoso
participacion den e careda “Ronde van Aruba”
siman pasa, April 12. Esaki ta marca e di seis aña
consecutivo di nos participacion den e evento

deportivo grandi aki.

Nos ekipo a sobresali riba e ruta, Patty liderando
riba Ruta 1 y 5, Roxy dominando riba Ruta 2 y 6,

Diego riba Ruta 3 y 7, y Ada riba Ruta 4 y 8. Nan
dedicacion ta berdaderamente uno di admira.

Aruba Bank ta orguyoso di a patrocina e ekipo

dinamico aki y di a forma parti di nan exito.
Pabien na tur e participantenan di “Ronde van
Aruba” pa nan participacion, como tambe n’e
organisadonan, pa haci e evento aki un experi-

encia memorabel.

Resumen di rumannan Klaber na Cualificacion pa Paris 2024

DEN fin di siman a tuma luga e
Cualificacion pa Olimpiada Paris
2024 na Santo Domingo unda Zahyon

Klaber y Joshua Klaber di Taekwondo
Team Aruba a participa. Un dia prome
cu e evento, Master Yoshmar Wever y
Master Clifford Rasmijn a atende n’e

technical meeting unda cu a splica
e reglamentonan nobo cu lo wordo
uza p’e Cualificacion Paris 2024.

Master Clifford Rasmijn y Master
Yoshmar Wever ta dos coach hoben
cu a sinta coach e rumannan
Klaber. Zahyon Klaber a perde 2-0

contra di Guatemala mientras cu
Joshua Klaber a perde 2-0 contra
di Colombia. Master Yoshmar Wever
y Master Clifford Rasmijn a logra e

meta pa ta den un Cualificacion den
un edad asina hoben.
Despues di e Cualificacion a reuni
hunto cu e dos rumannan Klaber

tocante nan pelea pa futuro even-
tonan.