Page 6 - MIN TTC 29 JUNE 2015

AWEMainta Dialuna, 29 Juni 2015 19

BIN diberti na Museo Arqueologico Aruba

den vakantie grandi! Museo Arqueologico
ta trece e aña aki un programacion
vacacional diferente, hopi festivo, varia
pa nos mucha y hobennan. Inscribi awor pa
“Tesoronan Nativo, Festival Indian” y pasa
un dushi merdia hunto cu amiguitonan.
Tambe pa camps y otro gruponan organisa,
Museo ta brinda oportunidad pa haci un
programacion vacacional na su localidad
pa un prijs hopi atractivo!

Museo Arqueologico ta trece e aña aki
un programacion vacacional dedica na
nos muchanan y inspira p’e coleccion di
Museo. E tema ta en conexion cu e tema
Internacional di Dia di Museo,’un Museo
pa un sociedad sostenibel’.
Durante e programa ta pone na un enfasis
riba e.o. custumbernan, historia y tambe e
artefactonan di tempo di Indian. Cu e tema
aki ta desea di hinca diverticion combina
cu creatividad pa difertente edad.

Pa dianan 21, 24, 28, 31 di juli y 4 cu 7 di
augustus, Museo Arqueologico ta ofrece un
merdia di actividad entre 1 y 4.30 pm pa
muchanan desde 6 aña. Pa por participa na
un merdia divertido ta cobra solamente Afl
5,-. Pa bo ta sigura cu bo yiu por participa
yama pa registra na 582-8979. Cupo ta
limita!
P’esnan cu ta desea pa solamente bishita
e sala di exposicion di Museo den periodo
di vakantie cu nan yiu, por cumpra un
‘Activity Book’ na bali.
E buki yen di actividad aki ta guiabo
den mas o menos 1 ora na un manera
interactivo rond den e exposicion di Museo
Arqueologico.

Camps y gruponan cu minimo 10 mucha
of hoben por tuma contacto cu Suzy
Boekhoudt na 582-8979 pa reserva y haya
mas informacion p’e mainta of merdia yen
di alegria na Museo.
Keda pendiente tambe p’e programa
vacacional di Museo Historico na Fort
Zoutman, cu lo carga e tema ‘Tesoro di
Pirata’, cu ta un storia bibo cu lo wordo
presenta den forma di speurtocht.
Cu esaki Museo Historico lo ilustra mas di
e historia di Aruba den ciclo 17!
Pa mas informacion y inscripcion por tuma
contacto cu Valerie Willer na 588-5199.

Un danki grandi na La Cabana pa a
transporta e muchanan di Colegio Santa
Famia pa Museo Arqueologico p’asina e
alumnonan por a proefdraai e programa
vacacional di Museo Arqueologico 2015.