Page 62 - MIN TTC 29 JUNE 2015

Pitbull a bin pone orden y respet den Conciertonan na
Aruba

Publication: Monday, 29 June 2015. Categoria: General

ORANJESTAD (AAN): For di momento cu Mr. 305 a subi escenario, y su hitnan mundial a
resona, uno tras otro, por a sinti cu ta manera Harbor Arena a hala rosea y goza di e show.

E seccion di Bar y Restaurantnan a bira keto, pasobra tur hende a bay para y enjoy e show di Mr.
Worldwide, Pitbull, di comienzo te fin. Un forma magistral di combina efectonan visual,
musical, y contenido cu a haci e show di Pitbull bira esun mas impactante.

Na un forma fabuloso, Jennifer Lopez, Marc Anthony, etc., tabata canta hunto cu Pitbull usando
e pantaya grandi, sinembargo e mic di Pitbull tabata habri pa mustra cu e ta cantando real.

Y e sonido tabata completamente bon balanza, calidad inmenso, nada di overmodulation, y el a
sona formidable den tur skina. Dos pantaya LED-HD gigante tabata suministra imagen di video
di loke ta pasando riba escenario.

Uno tras di otro, Pitbull a sa di sorprende tur hende cu cambionan cu el a haci riba su hitnan cu a
haya acogida mundial. E cambionan aki ta pone publico cada biaha para keto pa scucha con a
adapta e cancionnan, y alavez check e imagen cu tabata wordo proyecta riba center stage.

Pitbull a yega Aruba un rato prome cu su private jet, y di acuerdo cu e contract, e ta duna e show,
y despues subi bek avion algun minuut despues di a baha di escenario.

Sinembargo e poco ora cu el a keda aki, el a laga tur hende keda den bon beis. Tur hende a
lubida di problema, y cualkier malestar. E sonido y cancionnan di Pitbull a ponebo sinti bon, y
algun hende a hasta paga nan celular y cuminza balia y canta, envez di keda cu nan man den
halto ta graba. Sea ta esey, of kizas nan Smartphone Memory a yega full.

Algun hende a subestima Pitbull, keriendo cu e lo no por forma un show sin presencia di e co-
artistanan cu e ta graba hunto. Pero e crew di Pitbull a soluciona esey cu e asistencia
audiovisual, hopi atractivamente hinca den otro. Den su carson preto y camisa preto, e no a
cambia ningun rato di trahe.