Page 58 - MIN TTC 29 JUNE 2015

Fanaticonan demasiado contento cu Nicky Jam

Publication: Monday, 29 June 2015. Categoria: General

ORANJESTAD (AAN): Fanaticonan di Nicky Jam, no a stop di grita henter Diasabra anochi,
durante su presentacion. For di ora cu el a subi escenario, te ora cu el a baha, e grito di
fanaticonan, algun cu awa na wowo, tabata e “ambiente normal” den Harbor Arena.
E cantante reguetonero Nicky Jam, a cuminza net 10’or cu su presentacion, y hunto cu su team di
musico, corista, y bailarinanan, a duna un show cu a pone hopi hende den ambiente, moviendo
nan cintura.
Contrario na su grabacion den studio, su voz den concierto ta diferente, pero asina mes ningun
hende no a preocupa, y a goza di su show.
E artista a hasta duna bon comentario encuanto e bunita beach di Aruba, cu ta algo cu el a goza
masha hopi mes. El a hasta emiti varios Tweet riba Twitter encuanto e beyeza di Aruba.
http://www.diario.aw/2015/06/fanaticonan-demasiado-contento-cu-nicky-jam/