Page 16 - MIN ARENDS
P. 16
4 AWEMainta Dialuna, 30 October 2017
Sinti e cambio den Parlamento:
MEP a sali di banki di
oposicion pa bay n’e
banda di coalicion
PARLAMENTO a nota varios cambio den apenas algun
dia. E mas principal ta cu awor e partidonan MEP, POR
y RED t’esnan cu ta forma e coalicion den Parlamento y
oposicion ta AVP awor.
Por nota cu e ambiente den Parlamento tin poco tension,
pero en general e ta bon.
Diabierna a tuma lugar dos reunion, mainta pa huramenta-
cion y merdia pa eleccion di Presidente y Vice Presidente.
Presidencia ta den man di partido MEP, sr. Guillfred Besaril,
y Vice Presidencia ta den man di partido POR, sr. Andin
Bikker.
Unico incidente tabata cu e tres ex Ministernan di AVP,
Benny Sevinger, Arthur Dowers y Mike de Meza a nenga
di brinda cu Gobernador despues di huramentacion y a
opta pa bandona sala na e momento ey.
Algo cu tabata hopi notable y hopi hende a haya esey un
falta di respet contra Gobernador. Durante e reunion di
merdia Benny Sevinger no tabata presente.
E Parlamentarionan di MEP a mustra confiansa y tranki-
lidad, bou liderasgo di sra. Evelyn Wever-Croes. Bo por
realmente sinti e cambio. 
