Page 17 - MIN ARENDS

AWEMainta Dialuna, 30 October 2017 5

Formador Evelyn Wever-Croes a

bishita Gobernador pa di 3 biaha

Formacion ta

bayendo bon,

kedando cla cu

e programa di

gobernacion

FORMADOR Evelyna Wever-Croes a reuni cu Goberna-
dorm despues di eleccion di Presidente y Vice Presidente
di Parlamento pa duna reportahe di e proceso di formacion
manera a keda acorda diamars ultimo.

Na su salida sra. Wever-Croes a informa prensa cu e pro-
ceso di formacion ta bayendo bon, y partidonan ta mas
avansa cu e programa. Probablemente lo keda cla cu e
programa den e siguiente dianan.

Mientrastanto a cuminsa cu e fase di reparticion di cartera.
Pa cu esaki sra. Wever-Croes a indica cu den e reparticion
di cartera mester refleha e resultado di eleccion cu ta 9-2-1.
Cu esaki Formador kier ilustra cu no t’asina cu un partido ta
pone mas awa den biña cu otro partidonan, sino mas bien
ta trata pa yega na un reparticion mas balancea posibel
cu ta refleha e resultado di eleccion.

Formador a duna un splicacion tambe di e proceso di
screening, den cual algun instancia mester duna un re-
portahe di e candidato pa Minister.
E candidato tambe mester suministra informacion p’e
Formador por evalua. Despues di un evaluacion, Formador
lo haci e proposicion na Gobernador cu lo tin e ultimo
palabra.

Pues tin un caminda ainda pa cana prome cu yega asina
leu y prome cu un hende por bisa cu e ta bay bira Minister.
E proceso aki por tuma un siman di tempo ainda.

“Mi sa cu henter Aruba ta ancioso pa conoce nos Gobierno
nobo, sinembargo mi ta bolbe pidi un tiki mas di pasenshi.
E negociacionnan ta bayendo bon y esaki a resulta den
e prome señalnan di e cambio: Un parlamento den cual
MEP, POR y RED ta forma mayoria, y den cual AVP ta den
oposicion.
Y culmina p’e Presidente di Parlamento nobo den persona
di sr. Guillfred Besaril di MEP y Vice Presidente mr. Andin
Bikker di POR. Maske cu manera nan mes a duna di conoce,
e lo ta un fase transitorio.
Awe nos por mira e prome señalnan caba, ya nos por cum-
insa sinti e cambio. Pabien Aruba!”, Evelyna Wever-Croes
e finalisa su declaracion.