Page 18 - AVP
P. 18
E prome contesta di Banco Central na
COVID-19
March 18, 2020
0
SHARE
Facebook
Twitter
- Advertisement -
Un vangrail bancario pa publico y proteccion di Florin Arubano
Mientras Aruba tabata prepara pa recorda introduccion di su Himno y Bandera den su
lucha pa haya entre otro su propio moneda, situacion internacional a haci intervencion
di Banco Central necesario.
Siman pasa, DIARIO a mustra cu den e situacion mundial actual, Banco Central di
Aruba lo mester tuma medidanan pa proteha nos Florin y nos sistema monetario cu
tabata parti integral den realisacion di Status Aparte.
Banco Central di Aruba mester tuma tur situacion na consideracion den su maneho cu
mester proteha Aruba contra loke ta yama “shock”, un desaroyo cu no por a mira di
antemano y sigur no e impacto cu e tabata tin den un tempo cortico.
Ta pa e situacionnan aki, e leynan cu ta regla asuntonan monetario ta mishi cu e
palabra “libertad” cu ta directamente asocia na democracia y e maneho cu ta dicidi con
trafico di placa ta tuma luga na Aruba y tambe ariba base internacional.
