Page 19 - AVP

Manera DIARIO a splica siman pasa, tabata importante pa Banco Central confirma e
estado solido di nos situacion monetario pero tambe anuncia medidanan cu sin duda e
mester a tuma na momento cu mundo a parce di a perde control riba futuro.

E mundo bancario ta mara na regla, cu mester sirbi e concepto di democracia cu sin
regla ta fracasa.

Pa Aruba e ordenansa cu ta regla e forma cu trafico di placa stranhero mester tuma

luga, ta brinda espacio pa Banco Central actua na interes di pueblo y proteccion di e
Florin Arubano.

E desaroyo na Aruba, afecta pa e crisis internacional causa pa e coronavirus nobo, ta

indica cierto problemanan basico pa Aruba cu a mira su economia basha abou, manera
DIARIO a adverti for di momento cu mundo mester a confronta COVID-19.

E coronavirus nobo a bira un “shock” pa mundo, cu ta na careda.

Gobierno den e estado di crisis agudo, a tuma medidanan di emergencia cu ta afecta e
libertad di hende pa dicidi pa su mes si e kier bay fiesta henter anochi por ehempel.

Banco Central di Aruba como autoridad monetario independiente, a atende cu reglanan
basico pa asina soluciona problemanan cu Aruba lo confronta.

Cu caida di economia di Aruba, mester di vangrail financiero y banconan comercial

mester por brinda servicionan special na personanan cu por demostra cu na e momento
aki nan no por paga nan debe na banco.

Banconan comercial mester por asisti cu oportunidad nobo pa financia problemanan

empresarial.

E medidanan di Banco Central di Aruba a yuda crea e vangrail cu mundo bancario
mester bira pa su clientenan pero cu proteccion directo di e Florin Arubano.

Nos a papia di un prome contesta di Banco Central Aruba na COVID-19. Prome, pasobra
e fin di e coronavirus nobo ta dificil pa pronostica.