Page 19 - AM230420
P. 19
Diahuebs, 20 April 2023 AWEMainta COMUNIDAD 19
Ta presenta ‘Downtown goes Orange’
Riba ‘Dia di Rey’ Weststraat lo bay ta e centro di ambiente
en cuadro di Dia di Rey, ‘Downtown Reinventa’ un
Dbiaha mas ta trece un otro magno evento riba 27 di
April venidero, ‘Downtown Goes Orange’. Na 2022 bou
iniciativa di propietarionan den area di Weststraat, con-
huntamente cu Impact Hub Aruba a uni forsa pa asina
strategicamente traha den un manera colectivo pa e re-
vitalisacion di e area comercial den Weststraat.
“Na September 2022 a lansa e plataforma ‘Downtown
Reinventa’ cu ta encabesa un serie di evento pa cu e
area comercial di Weststraat, como tambe ta fungi como
sosten pa otro personanan den e sector creativo cu tin
ideanan pa organisa eventonan, exponiendo sea nan
talento of otro disciplina di arte”, segun Sra. Mary-Ann
Falconi, General Manager di Impact Hub Aruba. Na
November 2022, e lansa e prome evento “Downtown
Food & Art Festival” di cual mas di 2000 persona a
bishita, incluyendo turistanan di crucero.
Cumpliendo cu e proposito di yuda revitalisa e area di
Downtown Oranjestad, partnernan den Weststraat ta
lansa e siguiente evento, cu ta ‘Downtown Goes Orange’.
E evento aki lo ta di un taya mas chikito cu e meta pa
crea un formato sostenibel, organisando actividadnan
mas regular tur luna. P’esey riba 27 di April, Weststraat
un biaha mas lo bay ta e centro di ambiente familiar
transformando Harbourwalk cuminsando for di 7PM.
Sr. Ivan Diaz, Property Manager di Harbour House y
Harbourwalk a amplia cu lo bay tin diferente kiosconan
di artesania, benta di cuminda, lo bay tin popup restau-
rant, y entretenimento di DJ Caleto, musica ‘live’ di
Acustica y varios otro presentacion di artistanan local.
Romar lo bay ta presente cu su asortimiento amplio di
bebida pa nos bishitantenan.
E comision di ‘Downtown Reinventa’ ta gradici propi-
etarionan den e area di Weststraat, Bazarrr, Lima Bistro,
Acustica, DJ Caleto, y tur e artesanonan cu ta comparti
e vision di revitalisacion di Downtown Oranjestad y cu
sostene e iniciativa aki un biaha mas. E comision di
‘Downtown Reinventa’ ta hopi entusiasmo cu ‘Downtown
Goes Orange’ y ta spera cu comunidad di Aruba pasa y
disfruta di un ambiente unico riba Dia di Rey.
Pa mas informacion y actualisacion tocante e evento aki,
por bishita paginanan social di Impact Hub Aruba of si
ta interesa di participa cu un kiosco por tuma contacto
na Impact Hub su Whatsapp 5927007 pa mas informa-
cion.
