Page 14 - MIN SJA 7 NOV 2015

12 AWEMainta Diasabra, 07 November 2015

Fraccion di MEP:

Evelyn Wever-
Croes invita

como orador na
reunion plenaria

di COPPPAL na
Santo Domingo

OTRO siman ta tuma lugar e reunion plenaria di

COPPPAL.
COPPPAL, Conferencia Permanente De Partidos Politi-
cos De America Latina, ta un organisacion di partidonan
politico di cual partido MEP ta miembro.
Na luna di september COPPPAL a tene un conferencia
na Aruba den cual a trata e situacion di e islanan Aruba,
Boneiro y Corsou den Reino. Un punto crucial den esaki
ta cu e tempo di colonisacion y esclavitud ta tras di lomba
y cualquier intento pa re colonisacion of esclavitud mod-
erna mester wordo eradica.
Durante e conferencia na Aruba lider di MEP Evelyn
Wever-Croes a trese padilanti e historia di e lucha di
Aruba pa su Status Aparte, y con e Gobierno actual a
entrega nos autonomia financiero debi na mal maneho
y mal decision.
“Apesar cu nos ta conciente cu ta culpa di e Gobierno di
nos propio pais, hecho ta cu awe Aruba tin menos au-
tonomia cu na aña 1986. Nos a bay atras en bes di bay
padilanti y den esaki pais Hulanda a hunga un papel hopi
particular. Hulanda a compromete su mes cu Nacionan
Uni pa yuda e islanan pa emancipa y para riba nan pia.
Pero na Aruba nos ta mira net contrario.
Un Gobierno cu ta entrega mas autonomia p’asina por
keda na mando. Con cu bo mir’e Hulanda ni Aruba ta
cumpliendo cu palabracionnan hasi na Nacionnan Uni y
pesey nos a cuminsa encamina e caminda pa Nacionnan
Uni.
Nos ta purba haci esaki directamente, pero tambe nos
ta buscando aliansanan den Parlatino, den Socialista
Internacional y den COPPPAL” lider di MEP a duna di
conoce.
Presidente y Directiva di COPPPAL a keda impresiona
p’e presentacion di Lider di MEP y p’e motibo ey a invita
Evelyn Wever-Croes pa ta un orador n’e reunion plenaria
cu lo tuma lugar na Santo Domingo cu participacion di
tur pais di Sur America, Latino America, Caribe y repre-
sentantenan di e organisacion ICAP di Asia.

Otro siman Lider di MEP lo expone e caso di Aruba pa
haya sosten di henter COPPPAL y ICAP den e caminda
pa Nacionnan Uni. Sigur un gran honor pa partido MEP.