Page 24 - AWE1006_merged-1

Diabierna 10 di Juni 2022

SPORT

Caribbean Monster Truck Shoot out 2022 ta un realidad

en un entrevista exclusivo a combersa basta amplio riba
De regreso di Monster Truck aki na Aruba despues di
10 ana. E persona encarga hunto cu su team preparando pa
Caribbean Monster Truck Shoot-out. Nos ta papiando aki di
sr. Tito Tromp di Brazilian Flash Racing Foundation
a splica kico tur ta den plan pa e show aki cu lo bai bira
sumamente interesante pa henter famia bai mira.

Aruba un biaha mas tin e honor y placer pa atende un magno
evento caminda cu lo tin cuater Monster Truck cu lo bai
mustra Aruba completo kico ta nan abilidad den show. Den
un di e cuater Monster Trucknan aki lo bai tin tambe un
“Backflipper” cu ta e Monster Trucknan cu ta bai laira y hasi
un back flip y para bek riba su cuater tiranan. Sin papia mes
di e otronan cu ta duna diferente show riba e tres dianan aki.
Nos por menciona tres di e cuater Monster Trucknan cu ta
confirma referiendo na “Sykotic, “Sheer Insanity” y Zilla.
Lo bai tin tambe e asina yama “The Wall Of Steel” cu ta
un auto poni vertical caminda un otro auto lo tbin riba un
velocidad adecuado cu lo dal den esaki y hasi algun buelta
den laira. Pero esaki no ta tur. Hunto cu e show di Monster
truck lo bai tin tambe e asina yama “Extreme Jumper nan”
haciendo uzo di nan “Dirt Bike” pa asina hasi diferente
maniobra riba tera como den laira bulando rampnan di santo
traha. Kiemen nan lo duna varios show di “stunds” pa e
publico presente por mira y keda boca habri y imprecionante.

Manera semper Brazilian Flash Racing Foundation ta corda
riba nos muchanan. Pa esaki por ta mas actractivo ainda pa
nos muchanan lo bai tin tambe “Bumbble Bee Transformer
y Uptimus Prime Transformer. Esaki ta e tipo di robotnan
grandi cu ta transforma den vehiculo. Esaki ta un super bon
atraccion y admirabel pa e muchanan cu sigur lo bai bira
loco na momento di mira esakinan.

Nos localnan no por keda afo di e gran show aki di Caribbean
Monster Truck Shoot Out caminda nan lo bai demostra
tambe na abilidad tin drfting aki na Aruba. Tanto den auto y
brommer cu awendia ta masha na moda e deporte aki.

Sin duda algun e facilidad cu e adecuado pa aki ta na Aruba
international Raceway Park Palomrga tur e shownan aki lo
tuma lugar. Haciendo uzo di e asina yama “Pleintje Jan”
tur e shownan di auto y brommer lo bai tuma lugar. E parti
pazuid di pista cu ta di santo ta caminda e show di Caribbean
Monster Truck Shoot-out lo tuma lugar riba e fechanan di 29
y30 di sept y 1 y 2 di october venidero..

24