Page 8 - AWE1006_merged-1

Diabierna 10 di Juni 2022

COMUNIDAD Novio infiel ta

manda grabacion
sexual pa ex suegra

di yiu muhe

omo mama cu ta stima su yiunan, ta dificil para mira
Ccon e no por haci nada contra di un homber, ex novio di
su yiu muhe, kende no por a acepta cu e relacion a caba y
a comete un acto sumamente baho, no solamente contra
di e mucha muhe pero tambe contra henter e famia.
Den combersacion cu AWEMainta, e señora N. a señala
cu su yiu muhe mayor di 23 aña, tabata den un relacion
amoroso di seis aña c’un homber Arubiano pero despues
e relacion a daña pa falta di responsabilidad y fidelidad di
e homber.
Segun e señora e decision tuma pa su yiu muhe, kende tin
un funcion halto na un compania local, no a cay den bon
tera cerca su novio kende ta insisti cu e mucha muhe tin
cu lubida loke el a haci y nan sigui dilanti como pareha.
Segun mama di e hoben e situacion tabata realmente
fastioso y dado momento e homber for di nada, a manda
e mama un grabacion di un acto sexual cu el a tene cu su
yiu muhe, algo cu nan a dicidi di haci como pareha pa un
variacion pero cu awor a bira un arma pa e homber.

E mama a interpreta esaki como un acto di vengansa di e
homber kende a ripara cu su oportunidad pa drenta bek
cu e yiu muhe, simplemente no ta existi.
“Mi a keda den shock ora cu mi a mira e cos aki y mi ta
kere tur mama cu stima nan yiu mes hopi cu ami ta stima
mi yiunan, lo keda den shock, ya cu na prome luga, ta algo
sumamente priva di un pareha y ta algo cu nan tin cu tene
secreto,” e mama a mustra na AWEMainta. E homber a
manda e grabacion pa un tanta di e mucha muhe tambe
pero e reaccion tambe tabata cu mester a duna sosten na
e mucha muhe, ya cu e tipo di cosnan aki ta pasa cu hopi
pareha.

E famia mesora a tuma contacto c’un abogado kende
a dirigi un carta mesora pa e homber informando su
persona di e consecuencianan cu su accion lo por tin den
futuro pero en realidad no tin un ley ainda na Aruba, cu ta
castiga hende pa e tipo di actonan aki, esta di reparticion
di grabacion di actonan sexual entre un pareha.
Na Spaña recientemente a introduci un ley asina caminda
esaki ta castigabel pa ley pero hopi pais no ta conta cu un
tipo di legislacion asina pero sin tin otro pasonan legal cu
por wordo tuma contra di un persona asina y esaki lo ta
intencion di e famia.
8