Page 7 - AWEMAINTA
P. 7
Dialuna, 5 Februari 2018 AWEMainta 7
Peaton alcansa pa auto a haya basta sla DIASABRA mainta polis ta topa cu un acci-
dente serio na e tubonan di W.E.B na altura di
Isla di Oro.
Mey mey caminda un cabayero cu golpi serio na
cabes y tawata pa motibo di un golpi serio ricibi
despues di wordo alcansa pa un auto.
Ambulance a wordo pidi cu urgencia, mirando e se-
riedad di e herida. Instancianan concerni a wordo
poni na altura, manera Vocero policial señor Lito
Lacle cu a duna e siguiente relato:
“09.40 melding a drenta via Centrale Post cu tin
un dalmento basta pisa net pabou di Isla Di Oro.
Na yegada di patruya ta bin constata cu un auto a
dal un peaton. Mesora ambulance a bin na e sitio y
a cuminsa brinda e prome ayudo na e victima. Por
bisa te aworaki su situacion ta critico y e chauffeur
a wordo deteni y hiba warda pa art. 5A. (Core-
mento bou influencia). Departamento di Trafico y
departamento Tecnico di Cuerpo Policial a bay na
e sitio.” Con exactamente e accidente a pasa no ta
wordo menciona.
E hoben a wordo deteni y transporta cu transport-
wagen pa warda di Santa Cruz. Segun nos a com-
pronde e hoben a supla y esaki tawata basta halto.
Coremento bou influencia ta un problema hopi
serio y diasabra mainta un biaha mas el a wordo
demostra.
Riba e foto por mira e sla cu e auto a ricibi despues
di alcansa e peaton. Esaki ta demostra cu e im-
pacto tabata hopi fuerte. E peaton a haya un golpi
grandi na su cabes y tabata sangra profusamente.
