Page 6 - HOSPITAAL

John Fun

ORANJESTAD (AAN): Despues di mas di 10 dia di un situacion cu a pone Aruba total
den un paro un rato riba e spill di diesel cu a disparce riba tereno di Hospital. Segun

John Fun, dia 10 di November, tabata tin un leak for di un di e tankinan di generator y
esey a causa un derame basta grandi di diesel.

E facilidadnan ta diseña pa contene e spillnan aki. Pero e spill aki tabata basta grandi y

a overflow. Fun ta sigui splica cu e contratista ta bezig ta haciendo un investigacion pa
wak kico tabata precies e causa y kico por haci den futuro pa evita cu e ta bay ripiti su
mes.

Fun a splica cu e tabata tin su efecto. Mas tanto door di e holo. E luga di e generator ta
net caminda e sistema di airco ta chupa aire. Tur e holo di diesel a bay den e edificio.
Mester a para operacion den algun departamento crucial. Pero tur e situacion ta
stabilisa awo.

Ta trata aki di un tanki di diesel di e generator, cual ta den funcion atrobe. Nan tin un
tanki grandi y tin tres tanki chikito. Esun cu a causa e problema, tin’e desconecta te ora
cu e investigacion mustra kico precies tabata e fayo.

E investigacion mester ta cla hopi pronto. Ta spera cu durante e siman aki of otro
siman, e mester por sa precies kico a pasa y e contratista por cuminsa tuma su
medidanan. Fun a agrega cu nan tin tres generator grandi cu por handle henter hospital

y tin nan backupnan bieu.

E situacion no ta peligroso na e momento aki pa e pashentnan. Si e tabata un sorpresa.
Hopi biaha cosnan ta sosode. Hospital ta un organisacion hopi grandi y sa haya

calamidad.

Investigacion lo mustra ken lo tin cu paga pa e eror aki. Mirando cu hospital ta den su
temporada di garantia, ta e contratista lo tin cu cubri e gastonan aki, segun John Fun.