Page 21 - AHATA

ORANJESTAD (AAN) – Durante un evento cu

a tuma lugar na Riohacha, na La Guajira Colombiano, Isla di Corsow a habri un oficina y
ta bay cuminza hiba productonan manera fruta y berdura pa e Isla. DIARIO a entrevista
e Minister di Desaroyo Economico di Corsow, Giselle McWilliam, ken a splica cu desde
2011 nan ta bishita La Guajira, y aña pasa a firma un Memorandum of Understanding

(MOU) pa realiza un trabao di cooperacion, riba diferente aspecto.

Un di e enfokenan mas importante ta, yega na un tratado comercial entre Colombia y
Corsow, cu e lugar mas accesible cu ta La Guajira, unda tin mas oportunidad y

flexibilidad pa por drenta den e mercado.

“Pesey netamente nos a bay cu un grupo di empresarionan cu a kere den esaki, y awe
conhuntamente ta habriendo un oficina den ‘La Casa di Curacao y Gran Caribe’ pa asina

nos por keda traha riba e diferente puntonan aki, cu nos a keda aborda”, Minister
McWilliam a duna di conoce.

McWilliam a agrega cu por mira tambe cu den e parti di hospitality ta bay tin

intercambio entre studiantenan di Corsow Academy y Universidad di La Guajira, pa loke
ta trata e sector turistico aki, y lo cuminza cu e prome studiantenan na Februari 2020.

“Esaki lo trece un dinamismo unda no solamente nos lo enfoca riba e parti comercial,

pero tambe e parti di educacion entre e dos lugarnan. Asina nos ta bay keda aborda
diferente punto di interes, pero e aspecto di mas importante pa Corsow ta pa nan haya
e oportunidad pa nan bin akinan, pa nan exporta productonan di agricultura. Esaki ta
un reto hopi grandi pa e Isla den Caribe Corsow y Bonaire, pero tambe pa nan mira

Corsow como un hub pa Caribe y Europa”, McWilliam a menciona.