Page 22 - AHATA

Corsow no solamente ta haciendo e contactonan aki cu La Guajira, pero tambe cu
Republica Dominicana cu el a caba di bishita.

Cu Republica Dominicano Corsow tin un comunicacion Maritimo cu ta sali for di

Diabierna y ta bin bek Dialuna, unda nan ta crea e oportunidad di bin cu fruta y berdura
den menos di 48 ora caba riba rekinan na Corsow,.

Esaki ta trece mas oportunidad pa haci negoshi, pero tambe pa e consumidor. Pa loke

ta trata e gobierno di Corsow su persona como minister di Asunto Economico y
Turismo, loke e ta haci ta traha pa e pueblo di Corsow, cu mester sinti cu nan ta
cumpra fruta y berdura na miho prijs, pero tambe ta haya e oportunidad pa
empresarionan yiu di Corsow por exporta nan productonan tanto pa La Guajira y

Colombia como pa Santo Domingo, pa nan haya un mercado mas grandi unda nan por
expande y haya divisa.

McWilliam a señala cu Corsow como un isla chikito su enfoke ta pa exporta. Nan tin un

plan estrategico pa exporta y tur loke nan ta haciendo cu mira den futuro pa ta un Isla
exportador manera tabata semper cu e refineria, pero tin hopi mas oportunidad cu
Corsow ta mirando y cu ta bay enfoca riba dje.

E mandatario a duna di conoce cu e ta biniendo Aruba y cu sigur lo aborda e idea aki y
otro aspectonan cu tambe tin di haber cu exportacion, entre e islanan y lo trece e
puntonan di La Guajira y di Santo Domingo tambe riba mesa, pasobra nan ta na un par
di ora for di otro y hunto nan ta mas fuerte.

https://www.diario.aw/2019/12/corsow-a-habri-oficina-na-riohacha-pa-importacion-y-exportacion/