Page 13 - DIGICEL - JUNI 4,2015

speed nobo cu lo ta e norma pa Setar, cu ta un speed di 30mb pa seconde pa tur cas.
Tin un conexion mara na dje si. E clientenan mester ta abonado tambe di cable tv di Setar. Esun
cu scoge pa no haci esey, lo keda e ora cu servicio di ADSL cu tambe lo keda existi banda di dje.
E trabao lo ta uno basta grandi, pasobra Setar lo pasa cas pa cas. Setar lo haci e yamada, lo yama
e clientenan haci un cita cu nan. Nan lo pasa cas pa cas y lo instala, lo cambia e ora e red, pone
tur hende riba e red di cablenet cu lo tin un speed pa cas pa cuminsa 30mb pa seconde, pero ora
cu ta mas of menos tur cas, lo sigui subi esaki y lo yega na un di e speednan mas halto. Lo purba
como Setar, benchmark y compara cu e paisnan super avanza.
Loke a inverti den e ultimo lunanan den dje, ta haci posibel cu por duna speednan cu awendia no
lo por imagina, segun Croes. Esey a haci cu e red cu ta trahando riba dje. Ora cu caba cu tur
hende ta acelera e speed cu tur hende tin.
Manera menciona, Setar lo haci un cita y lo pasa e vivienda. Siguiendo otro trend, ta bon pa
pueblo di Aruba sa, un di e trendnan cu mas ta wordo sigui pa companianan di telecomunicacion
ta e trend di homenetworking. Awor aki mas y mas hende lo cana cu nan mobiel, nan celular
pafo, pero yegando bek den cas esey lo bira un di e fuentenan mas grandi di speed y
conectividad. E tecnologia, cu ta hopi importante pa tur cas, ta e tecnologia di Wifi. Lo bo ta den
bo cas, lo bo tin tur bo ekiponan, tur bo devicesnan, conecta y lo bo kier ta conecta tur parti cu bo
ta cana rond den bo cas. Pafo cu bo mobiel, pero drentando paden, lo por schakel pa e parti di
Wifi.
Setar tambe lo ta pionero riba e tereno ey, den e sentido cu e tecnologia cu a busca awor, ta
dunando e posibilidad pa extende e Wifi den tur skina di cas. E tecnico cu lo bishita e cas, lo
duna un oferta. E lo splica kico e costonan lo ta, pero en principio tur cas por drecha e coverage
den tur e cas, ora cu bay eynan. Loke ta bay pasa den futuro, e speednan cu lo usa den cas ta
speednan cu awendia no ta wordo usa. E tecnologia nobo lo ta Wifi di ultimo tecnologia. E lo
duna e posibilidad pa bay riba un velocidad masha halto mes den cas. E ta nifica cu ora ta bezig
cu e tecnologianan nobo aki cu mester hopi biaha mas punto unda cu Wifi ta den bo cas, pasobra
e cobertura di e antena ta bira menos.
Pareu cu esey, SETAR lo ta un pionero riba e tereno aki y e tecnico cu lo bishita e casnan, lo
papia cu e doño di cas, con e ta haya e coverage y si ta interesa, lo haci esaki un solo biaha y
drecha e coverage di Wifi pa tur parti di cas tin un tremendo coverage, Croes a comenta.
E trabao cu Setar haci pa loke ta e cambiamento di ADSL pa Cablenet, lo tuma lugar si ningun
costo adicional pa e cliente. Ora cu pone e extencion si, ta un oferta apart. E tecnico tin e prijs y
si bay di acuerdo, e ora lo haci esaki un solo biaha na e cas.
Haciendo esaki, ora caba cu e trabao aki, tur hende cu scoge pa esey, sigur lo hiba Aruba
completo den e siguiente nivel di loke cu ta telecomunicacion, e parti di internet, pa bo cas.
Tur servicio nobo cu bin lo ta posibel. Setar lo cumpli cu un parti importante di su vision tambe,
pa tin abonadonan di Setar conecta, pero pa Aruba tambe no solamente conecta, pero pa Aruba ta
parti tambe di e mundo superavanza, pa loke ta internet, pa loke ta tecnologia. Setar ta mira esaki
tambe como un di e partinan importante di su trabao, di su empeño. Un parti importante cu Setar
ta haci pa e desaroyo di Aruba en general.
Resumiendo, Croes a splica cu tur cliente, den e fase cu ta aden awor aki, cu ta abona riba cable
tv, si e kier, Setar lo yama pa un cita. Lo puntra si ta interesa pa cablenet, caminda cu lo traha un
cita, instala e sistema nobo, subi e speed te cu 30mb pa seconde download e ora. Despues si ta
interesa tambe pa amplia e coverage di Wifi cu un bista pa futuro, lo por extend’e. Tecnico ta
duna e prijs y si ta interesa, ta hacie e momento ey.
Si mira e vision total, tin e parti mobiel y tin e parti fixed cu ta den e cas. E dosnan aki lo bay
hunto cu otro. Tur dos lo subi cu na final bo ta pafo di cas, unda cu ta na Aruba, bo ta paden di
bo cas, e coverage pafo ta drechando e, y paden tambe, drecha e coverage, unda cu bo ta, sin tin
nada di worry, lo bo ta conecta 24/7 cu un di e rednan mas avanza, pa no bisa mas avanza di
Caribe.