Page 14 - DIGICEL - JUNI 4,2015

Den Caribe, Setar NV ta esun cu tin e speed mas halto te cu awor aki mirando e cambionan cu
Setar a haci den e ultimo añanan. Croes a splica cu tin cu mira e speed average cu Aruba tin, ta
mas halto cu henter Antias caba. No na Antias so, pero den Caribe. Den bista di Setar, nan ta e
prome caba pa loke ta Caribe. No ta compara nan mes cu Caribe, pero ta compara cu e lugarnan
mas avanza y e ora tin cu pensa riba Sur Korea, Japon, e tipo di luganan ey. Ey ta caminda cu
Setar kier yega. E paso cu nan a haci awe, den nan bista ta duna e posibilidad ey pa aumenta.
A haci un test caba cu 100 pa 150 cas y ta dificil pa por haya hende, te ora ta yamanan anochi, pa
asina ki ora por pasa pa haci e servicio.
Tin cas na Aruba, den dia no ta haya hende na cas. Tin ora ta yama te laat, pa e ora papia cu e
abonado pa haci e servicio. Tur hende cu kier cambia, pa subi esaki, Setar lo bay pertenece den
top di internet na mundo.
Croes a splica, si mira na placa, por bisa cu ta papiando aki di miyones, y e total eigenlijk di tur e
añanan, por bisa cu ta dies di miles di miyon cu ta den fase cu ta awe.
Pa loke ta e netwerk cu tin awor aki di cablenet, ta un di esunnan mas moderno cu tin. E net ta
hopi parecido cu rednan cu tin na Merca di Comcast, di Hulanda UPC, e tipo di companianan ey
Setar ta compara nan mes cu nan. Cerca nan nan ta mira pa nan benchmark cu nan. Loke ta
trahando awor aki ta un red cu ta bay cu tur e futuro di loke ta crecemento den internet.
Pesey e inversionnan ta bay den e forma ey, segun Croes. Si tuma un ehempel, e speed cu ta
ofrece na e negoshinan na Aruba awendia, cu tin basta negoshi cu a tume, cu ta esun mas grandi
di 500mb pa seconde, ta un di e speednan mas halto cu tin den Caribe. Por compare cu speednan
cu ta haya na Hulanda of na Merca tambe, segun Croes. Nan ta comparabel, pasobra pa esey
Setar ta traha, pa Aruba pertenece na e categoria ey.

A puntra Croes, mirando cu e trafico di internet a crece, si Setar tin e capacidad pa por carga
esaki. El a elabora cu e trafico cu ta pone e red riba dje, ta creciendo enormemente. A haci un
analisis den un paar di luna, e trafico di internet na Aruba a subi 5 biaha, den 18 luna, bayendo
pa 24 luna. Esaki pa tin un idea di e capacidad cu a pone. Pa loke ta Sali for di Aruba, un tres aña
pasa, a bula for di un capacidad, a subi como 10 biaha. Ta papiando di inversionnan cu tin cu
haci, pero e crecemento tambe ta enorme. Setar tin na e momento aki caba, pa parti mobiel so, ta
bayendo riba 20 mil hende na Aruba cu tin LTE. Den un aña e crecemento ta espectacular.
Papiando di penetracion ey tambe, ta uno mas halto di loke ta di mundo pa loke ta e cantidad di
hende cu ta riba LTE of tipo di tecnologianan ey. E cantidad di hende na Aruba cu ta usando
Whatsapp y Facebook, den blackberry den e temponan aya, Aruba ta di dos di henter e
continente aki banda. Despues di Venezuela so, cu tabata pin mas cu Aruba. Facebook sigur por
mira e interes ora cu bay bishita compania pafo di Aruba, cu apesar cu Aruba ta chikito, ta wordo
acerca pa companianan cu ta den e mundo di trafico, di internet y toch, apesar di e grandura,
mescos cu a pasa cu Apple tambe, Aruba tin un interes den nan. Nan ta wak un crecemento
espectacular di e usuarionan. Apesar cu Google no ta asina grandi, toch a wordo acerca pa nan,
pa pone tecnologia na Aruba, pasobra nan ta ripara cu e trafico, si mir’e per capita (cabez di
poblacion), ta un di esunnan mas grandi of mas halto den henter e region. Setar su trabao ta pa
stimula e crecemento ey. Croes a comenta cu na final, esey ta un di e cosnan cu ta diferencia
Aruba di tur otro pais tambe, cu tin e desaroyo bay hunto cun’e.

E plan di Setar ta sigui crece pasobra despues cu na aña 2007 cu Apple a trece cambio den
telefon, mundo completo a cambia, segun Croes.
Si mira e capacidad cu un di e smartphonenan ey tin, ta enorme. Hunto cu esey, loke ta pasando
den e ultimo dos añanan, ta cambionan tecnologico nunca bisto den mundo. Hunto cu esey, ta
bin un presion enorme tambe riba un compania di telecomunicacion, pasobra e entrada di
yamada di voz, mas y mas ta lubida riba e tipo di entrada ey. E mester bay tuma lugar e ora cu e
negoshi di data, internet y ta nifica cu mester ta mas creativo y mester bin cada rato cu servicio y