Page 11 - AM210907
P. 11
Diamars, 7 September 2021 AWEMainta.com 11
Dama chauffeur deteni, despues di a subi acera, dal
contra un pal’i luz, a kibra un borchi di trafico y a
causa daño na un otro auto staciona
Diadomingo algun minuut despues di
12’or y mey di anochi, mientras cu Polis
tabata atendiendo cu e accidente riba
Rotonde Las Americas, nan ta scucha
un zonido basta fuerte un poco mas
panort. Mesora a ripara cu dilanti Cas
di Cultura tin un otro dalmento.
Polis mesora a bay atende cu e dalmento
aki, na yegada nan a bin topa cu un
Nissan March, cu a dal contra un pal’i
luz, kibra un borchi di trafico y a haci
basta daño tambe na un auto staciona
dilanti Cas di Cultura.
Polis a ripara mesora cu e dama den
e auto tabata basta bou influencia y
tabata hari, e lo a haya masha pret cu el
a accidenta.
Polis n’e sitio a pidi pa un transportwagen
di Polis pa transporta e dama pa Warda
di Polis di Oranjestad.
Un takelwagen mester a bay n’e sitio pa
hala e Nissan March.
