Page 15 - AM210907

Diamars, 7 September 2021 AWEMainta.com 15
Turista manehando un waverunner

lo a cay y a keda seriamente herida

Turista manehando un waverunner lo a cay y a

keda seriamente herida

Dialuna algo prome cu 4’or di atardi a sosode un
incidente basta serio riba lama dilanti di High

Rise Hotels. Un turista riba un waverunner pa
un of otro motibo a cay for di e waverunner y a

keda seriamente herida.

Un boto cu a mira locual a sosode, mesora a
sali yuda e turista y a trece riba e beach entre e

hotelnan Barcelo y Hilton.

Presencia di Polis y ambulance a wordo pidi cu
hopi urgencia.

Na yegada di Polis y ambulance, nan a bin topa cu

un turista basta malo y mesora e paramediconan
a cuminsa reanima e persona.

E paramediconan a transporta e turista den un

situacion critico y cu hopi urgencia pa Hospital.

Homber (34) mordi pa un Fila Brasilera

Diadomingo anochi laat Polis a bay pura un adres na
Primavera, pa un Fila Brasilera cu a morde un persona
seriamente. Na yegada di Polis ya e persona tabata den
ambulance. Por a scucha basta blafmento di e cacho.
Algun minuut despues ambulance a sali direccion cu e

persona di 34 aña di edad direccion Hospital.

N’e sitio nos por a compronde cu ta trata di un Fila di 4
aña bieu, y e famia no ta compronde kico a bay robes,
unda cu e lo a “ataca” un di nan.

E situacion no tabata manera a wordo pensa prome o

sea cu Polis lo a yega y haya un persona completamente
bou sanger y seriamente herida. Danki Dios esey no
tabata e caso.

Locual e persona a ricibi tabata algun rasca/mordi na
su man, pero cu lo no ta di gravedad.
Awor ta keda e n’e famia kico lo pasa cu e animal, cu ta
uno basta grandi.