Page 3 - AAA_Neat

Leak di combustible abordo di Airbus A330 di KLM cu 203
pasahero yegando Aruba

Publication: Monday, 18 May 2015. Categoria: General

ORANJESTAD(AAN): Alarma grandi a ser bati Diasabra atardi na Aruba, debi na un dificultad tecnico
abordo di un Airbus A330 di KLM, bulando desde Amsterdam pa Aruba.
Durante vuelo, pilotonan den cockpit a bin nota cu e avion ta perdiendo mas combustible cu
normal, y esey ta pasando na e tanki banda robez di e avion.
Asina pues na prome instante, e co-piloto a sali di cockpit y a bay check e situacion na Motor #1
na banda robez.
Un rato despues, ta e Capitan mes a bin, pa asina wak door di e bentana di e pasaheronan.
Nan a nota cu tin combustible ta leak den cercania di e motor. Y esaki por ta un problema serio.
Pues di eynan caba, a declara un emergencia y a informa Beatrix Tower di Aruba di e situacion.
Na Aruba mesora a activa e alarma, pa asina tur personal di Polis, Bombero, Ambulans, y
autoridad encarga cu Departamento di Calamidad activa nan draaiboek.
Polis a cera full e area cerca di Aeropuerto, mientras e pilotonan a haci tur lo posible pa evita cu
e combustible cu ta leak por kima inespera, pues bira un candela. Faltando 14 minuut pa baha y
na un distancia di 100 miya e capitan ta notifica toren di control cu e tin ainda 4000 kilo di fuel
abordo.