Page 5 - AAA_Neat

Problema cu linea di combustible a pone KLM cancela vuelo

Publication: Monday, 18 May 2015. Categoria: General

ORANJESTAD(AAN): Despues di a haci un aterizahe di emergencia, e vuelo di KLM cu mester
a regresa Hulanda, a keda cancela.
Despues cu tecniconan a haci investigacion, a dicidi pa no lage bay mas.
Despues di a yega na su puesto final riba e rampa a dicidi di check e motor cu problema. Eynan a
constata cu e problema no por worde soluciona pa e avion sali mesora. Pesey mes a dicidi di
cancela e vuelo y tur esnan cu tabata tin cu sigui mester a keda Aruba.
Diadomingo mes a keda di manda un avion pa bin busca tur e pasaheronan cu mester sigui nan
destino.
Mientrastanto e avion lo worde poni back den condicionnan pa por lanta vuelo back direccion
Hulanda. Asina cu haci tur test necesario y confirma cu e fuel line ta bon atrobe e lo lanta vuelo.
Danki Dios el a baha bon desde cu e capitan a constata e señalnan di problema. Abordo a
personal di cabina a atende e problema cu tur profesionalismo y asina e avion por a baha sin cu
tabata tin cualkier panico abordo. den un situacion asina e aerolinea mester zorg pa acomoda
esnan cu no tin caminda di keda. Otronan cu mester bay Bonaire pura ainda por worde acomoda
cu Insel cu ta traha conhuntamente cu KLM tambe.
http://www.diario.aw/2015/05/problema-cu-linea-di-combustible-a-pone-klm-cancela-vuelo/