Page 85 - MIN VOS 9 NOV 2015

Tur cos di proyecto di hospital ta on target y actual

Publication: Monday, 9 November 2015. Categoria: General

Frendsel Giel:

ORANJESTAD (AAN): Aruba Investment Bank, cu ta maneha SOGA, tabata tin combersacion
cu gobierno di Aruba. Ta trata aki di un reunion caminda cu minister di salubridad publico tabata
interesa pa haya algun informacion.

Segun Frendsel Giel a splica cu e minister, hunto cu esnan responsabel pa e proyecto di hospital,
a sinti cu ta necesario pa pone tur stakeholder na mesa, pa loke ta evalua e progreso di e proyecto
aki. Tambe evalua e progreso loke ta e agregacion di e camber di operacion na e proyecto en
general, di cual reunion a bay den un ambiente sumamente bon.

A traha riba un pensamento pa yega na un solucion y ora cu a sinta den e sala tabata pa a sali cu
un solucion total pa loke ta e proyecto riba su mes, pero tambe particularmente e parti cu tabata
falta cual ta e cambernan di operacion.

Di parti di Aruba Investment Bank, nan a sali sumamente satisfecho.

Presente tabata t’ey Hospital, su hunta directiva, Raad van Toezicht. Tambe SOGA tabata t’ey cu
su directiva, Aruba Investment Bank, cu ta maneha SOGA, tambe tabata t’ey, hunto cu minister
y su conseheronan y den e cuadro ey a sinta y a combersa cu otro den un manera habri. A mira
cu naturalmente tabata tin bottlenecks cu por a soluciona y a yega na un solucion pa asina por
sigui cu e proyecto aki pa complet’e. Te ainda tin cu bisa cu e ta on target y actual. Ta spera pa
no mas tarda cu Maart e Medical Office Building ta entrega. Ta spera cu pa October ainda por
entrega e new Bedtower y inmediatamente ta cuminsa cu e edificio actual pa mehor’e y drech’e.
Hunto cu esey hospital ta bezig cu e ekiponan. Tin ta trahando tambe riba e facilidad pa loke ta
mehoracion di e cuido aki na Aruba.

Mester a haya si algun claridad con pa sigui y a hay’e tambe durante e reunion aki.

E tabata un dolor financiero grandi na momento cu a descubri cu e sala di operacion no tabata
aden. Den e cuadro eynan por a mira cu pa loke ta e asunto mes, e sala di operacion cu e grupo di
hospital, a funda un operating room pa sinta studia unda esaki lo bin y a resulta bon si. Tin di
compronde, mirando e plannan, ta haya un sala di operacion mas grandi, State of the art y tambe