Page 29 - Minister Arthur Dowers

AWEMainta Diasabra, 30 Januari 2016 3

Di acuerdo cu Minister Otmar Oduber

Raport di tumbamento
di avion cu droga,

ta den su finalisacion

RELACIONA cu e articulo ayera di AWEMainta, recordando cu

ayera tabata net un aña cu avionnan militar Venezolano a basha
un avioneta den espacio aereo di Aruba, pero cu despues di esaki
no a tende nada mas.

E.o. si Gobierno di Reino Hulandes a protesta na Gobierno Vene-
zolano, pasobra di acuerdo cu Centro di Control di Mahuma,
dicho avioneta tabata den espacio aereo cu nan ta controla. Pero
asina cu e avioneta a ser tumba, a constata cu tin un cargamento
grandi di cocaina abordo, cu Guardacosta Mericano a tuma pa
cuida esaki pa algun dia.

Awor cu tin tratamento di Presupuesto di Aruba, algun Parlamen-
tario a haci pregunta, relaciona cu loke a pasa, pero kico a sali afo?
Tabata Minister di Aviacion Civil, Otmar Oduber a reacciona y a
admiti cu e investigacion aki a tuma hopi tempo.
Pero esaki ta debi, cu tin varios pais envolvi den e investigacion aki.
Pa cuminsa Venezuela, cu ta bisa cu e avioneta aki, tabata den espacio
aereo, y ora cu el a nenga di sigui ordo di e avionnan militar, e avioneta a
wordo basha abao. Pero na altura di Islanan Monkey.
Tambe di parti di Gobierno di Reino, investigacion a ser haci, mirando cu
control di espacio aereo ta nan competencia.
Mientras cu na Aruba tambe tin investigacion a wordo haci.

Poniendo tur loke esakinan hunto, lo entrega un raport complete na tur par-
tido envolvi. Segun Minister Otmar Oduber, di acuerdo cu informacion cu tin,
e raport aki ta den su finalisacion y pronto e lo bira conoci y sigur di parti di
Aruba, lo duna publicidad di dje tambe.