Page 38 - HOH
P. 38
Restauracion hospital mester habri epoca
nobo pa Aruba
January 3, 2020
0
SHARE
Facebook
Twitter
- Advertisement -
Turismo y migracion cu impacto creciente pa Salud Publico
*Cambionan cultural y mas intercambio personal ta afecta salud
*Coleccion di informacion cu papel central den prevencion
ORANJESTAD(AAN)–“Prevencion basa riba informacion na pueblo ta bira crucial.
Prevencion basa riba compilacion di tur informacion di pashentnan y malesanan cu por
presenta lo bay ocupa e luga central den futuro di cuido medico. E restauracion di
hospital despues di e calamidad cu a keda registra, mester habri un epoca nobo pa
Aruba.”
Na Aruba bon cuido medico ta di importancia mucho mas grandi cu na cualkier pais
grandi cu no ta expone na e peligernan cu Aruba conoce.
Turismo y migracion ta e dos palabranan cu ta bini dilanti den e situacion na Aruba pero
tambe riba e lista di fuentenan grandi pa e peliger pa malesa plama.
Mundialmente tin hopi atencion actualmente na e peligernan nobo cu ta yuda malesa
plama na mundo, cu a bira mas chikito y a conoce cambionan grandi.
