Page 39 - HOH

Informantenan a papia di negoshi internacional di cuminda, cu ta crusa frontera y ta
bandona e limitacionnan cultural cu tin resultado pa salud di hende tambe.

Mas y mas industria di cuminda ta habri nan porta bou diferente nomber y na diferente

pais, caminda problemanan social ta wordo soluciona cu fabricanan di cuminda.

E alimento cu ta alcansa pueblonan pa medio di comercio internacional, por afecta
salud.

E portador grandi di malesa ta keda hende cu pa medio di turismo y migracion ta
bandona nan fronteranan. Nan por bira importador directo di malesanan cu pobresa,
situacionnan di guera, falta di educacion por ocasiona.

Turismo ta permiti hende uni riba cruceronan cu a bira hotel riba lama. Turismo ta trece
hende hunto den hotelnan.

Enfermedadnan cu ta conoce crecemento ta entre otro enfermedad di cuero cu ta afecta
hende tambe dor di e material cu ta wordo uza pa tela y sapato.

E problema mas grandi ta keda, e migracion cu no tin control. Falta di placa hopi bes ta

resulta den comparti luga pa biba y prepara cuminda, entre otro.

Informantenan ta mustra cu e problemanan cu Aruba a confronta den su hospital
mester habri porta pa un etapa completamente nobo den Salud Publico na Aruba.

Mester haci e ciudadano di Aruba mas consciente di e forma cu e mes por yuda preveni
atakenan contra su salud.

Na mes momento e informacionnan registra na Hospital, mester bay haya e luga
central cu nan merece pa nan yuda registra optimalmente e cantidad di casonan di
pashentnan cu a bay cu vacacion y a bolbe cu vacacion, e cantidad di turistanan cu a
bira malo durante nan estadia y e motibonan, e cantidad di migrantenan y e malesanan

di cual nan tabata victima entre otro.

Estadia na hospital y bishita na oficinanan di consulta y centronan medico mester habri
porta pa haci e ciudadano Arubano consciente di e forma cu e por yuda proteha su mes