Page 13 - bon-dia-aruba-20220919

a13
riba caya Dialuna 19 September 2022

Damanan bebi deteni pafo di lekker bar

Diadomingo ultimo den oranan di marduga polisnan asistien-
do pafo di lekker bar a hayanan confronta cu dos dama bou
influencia di alcohol y a hala nan atencion algun biaha. Esaki-
nan no kier a tende di orden di polis y no a keda nada otro cu
a detene ambos y keda transporta pa warda di polis unda cu
nan a haya un cuarto gratis pa saca nan wayaba.

Dos hoben riba brommer a intenta di core pa Polis

Diasabra ultimo den oranan
di anochi patruya a topa cu un
brommer cu dos homber riba
dje pero un di nan no tabatin
helm y a bay pa controla esaki
wak si e documentonan ta na
ordo. Pero esun tras di stuur
a cuminsa core y no kier a
para pa e señal di Polis y aki a
core nan tras un rato. Nan a
intenta di huy y dilanti sherif
nan a dal abou. Aki polisnan
a bay over na detene ambos
hoben y a tuma e brommer
den beslag.

Nuebe hoben envolvi den pelea cu hincamento a keda deteni

Diabierna ultimo den oranan di atardi riba e caminda di Modanza pa Sero
Patrishi a surgi un pelea formal entre 9 hoben unda nan a bringa cu otro
formalmente y den esaki un di e hobennan a keda hinca den lomba y haya
varios golpi. Polisnan a presenta di biaha na e sitio y topa cu e hoben hinca
banda di e dam. Ambulance tambe a presenta unda di biaha a brinda asistencia
y bay cu e hoben hinca pa hospital. Polisnan hunto cu rapid team a actua lihe
y haci detencion di 8 hoben menor di edad.