Page 14 - AM200430
P. 14
14 AWEMainta Diahuebs, 30 April 2020
Chauffeur transporta cu sla serio na cabes despues
di tabata envolvi den accidente na Catiri
DIAMARS anochi pa mas o menos 9:20, Polis a wordo
manda p’e bocht conoci na Catiri, unda un accidente cu
hende herida lo a sosode. Informacion adicional tabata cu
lo ta trata di un caso di hit & run.
Polis cu a yega n’e sitio a compronde for di testigonan cu
esun cu a ocasiona e accidente probablemente ta un Glanza
color blanco. Despues di e haci esaki e Glanza a bandona e
sitio y tuma direccion nort.
Mientras un persona cu t’e chauffeur a keda herida den
e auto, cu a bay termina den un pida mondi pariba di ca-
minda cerca di e baranca pinta blanco.
Polis a cera e parti panort di e caminda, p’asina personal
di Ambulance por traha confortabelmente.
E chauffeur di e auto accidenta a wordo transporta pa Hos-
pital. Den prome instante e lo no tabata mustra serio, pero
a resulta cu e chauffeur a ricibi basta golpi na su cabes.
Na final a pidi pa Takelwagen, debi cu nan lo hiba tanto e
auto cu a bay pega den mondi y no mucho leu di e sitio a
haya e Glanza na un cas. Ambos auto a wordo hiba warda
pa mas investigacion.
