Page 9 - AM200430

Diahuebs, 30 April 2020 AWEMainta 9

Dama motociclista a ricibi golpi serio

na cabes despues di a dal contra auto

DIAMARS atardi pa mas o menos 5:20 tanto patruya
di Santa Cruz y di Trafico ta wordo manda cu urgencia na

altura di Mega Stone Food Mart na Piedra Plat. E motibo
tabata un accidente serio entra bromer cu auto.

Na yegada di Polis, nan a pidi pa un ambulance pura, dor
cu e motociclista cu ta un dama a ricibi un golpi hopi serio

na su frenta banda drechi. Y esaki a hala capta atencion
mesora di e agente policial.

E bromer cu e dama tabata ariba ta un Hayabusa color

blanco y roos, e auto cu lo a bay bira pa drenta e caya ta
un Nissan Tiida color shinishi.

N’e sitio por a scucha e chauffeur cu tambe ta un dama
bisa cu el a pone señal y despues bira, esaki el a bisa e

agente policial di trafico.
E daño material riba e Nissan tabata na banda di e chauf-

feur dilanti. Pues aki ta unda cu Departamento di Trafico
lo mester haci su investigacion.

Mientrastanto banda pazuid riba caminda grandi, Para-

mediconan tabata preparando e motociclista p‘e wordo
hiba Hospital. E dama tabata papia ora algun persona cu

conoce tabata n’e sitio.