Page 19 - CMB

Aruba Bank Treciendo Deporte Mas Cerca Na

Muchanan; Muchanan A Disfruta Di SAE Soccer

Camp

 Deporte

 Featured
- 17/07/2018

Soccer Academy & Education (SAE) a organisa nan camp di futbol pa muchanan di 4 te
18 aña. Aruba Bank tabata orguyoso di por a coopera cu e camp aki. Aruba Bank ta kere
den deporte y cu dia di mañan tin mihor deportistanan na Aruba.

Pa 1 siman largo tanto muchanan muher como muchanan homber a participa den e camp
di SAE na Stadion di Yara. Tur dia e muchanan tabata siña algo diferente y nan tabata
hopi motiva.
E coachnan tabata siña e muchanan tecnicanan nobo di futbol, p’asina nan por sa kico tur
tin cu haci pa hunga futbol mas mihor.

Aparte di a siña tecnica nobo, coachnan a tuma e tempo pa mehora e tecnicanan bieu. E
coachnan di SAE Soccer Camp tabata tuma nan tempo pa splica e muchanan cada detaye
chikito p’asina nan mehora pa bira mihor den e deporte di futbol.

Aruba Bank ta orguyoso di a coopera n’e soccer camp y pa mira e muchanan ta siña mas
di e deporte cu nan ta gusta, esta futbol.
Aruba Bank ta manda palabranan di pabien na SAE Soccer Camp pa organisa un camp
exitoso y e muchanan cu a pasa un siman agradabel y dushi di futbol.