Page 41 - HOSPITAAL

Gobierno a hunga un papel grandi den fundacion di Respaldo, van Galen a splica.

Gobierno a para tras di e fundacion y ta cana tras di Gobierno. AZV tambe ta hopi

importante, Hospital tabata hopi y sumamente importante. E Psikiatranan tabata

importante. Y awo, Aruba ta conta cu su fundacion pa salud mental.

E ta bay pa Aruba, van Galen a splica. Esey ta punto principal. A keda hopi atrasa na

Aruba, si ta compara cu Corsou y otro partinan di mundo y tin cu cambia lihe, sino Aruba

ta cambia na malo tambe, door di e problemanan cu ta haya na Aruba. Ta dispuesto pa

traha duro y pa haci lo maximo pa cambia e problemanan psikiatrico na Aruba y esey ta e

trabao di Respaldo.

KICO RESPALDO KIERMEN?

Respaldo ta sosten. Por conta riba nan. Esey ta un contesta cu un enfermera di PAAZ a

gana y Respaldo ta nomber di e fundacion cu ta nifica cu por “conta riba mi”. Esey ta e

meta.

DICON NO PROME

A cuminsa cu hopi hende, reunionnan grandi cu 20 of 30 hende, y esey no ta e manera.
Awo a cuminsa chikito. A cuminsa cu PAAZ y ta bay mehora e parti ambulatorio. Ta

nifica cu ta bay traha riba e informacion, riba prevencion, riba ayudo di dokternan di cas

y ta traha cu policlinica na San Nicolas y na Playa. A cuminsa cu dos vakteam. Vakteam

ta mesun cos cu SPD di antes por bisa, pero cu mas hende. Mas profesional den dje. Y

mes di hopi mas profesional. Tin awor aki tin 50 persona en total. Lo bay haya mas of

menos 90 cu ainda no ta hopi, pero esey si ta basta pa traha un bon psikiatria na Aruba.