Page 42 - HOSPITAAL

Van Galen a felicita Gobierno pa esaki, cu tin e parti importante pa duna Respaldo apoyo.

Tambe ta felicita Hospital, cual lo bay keda traha hunto cu nan. Tabata tin un reunion pa

siman. Awo lo bay tin dos reunion pa siman. Tur hende a traha duro pa e fundacion aki.

Tin cu corda cu na PAAZ tin bon profesional, pero nan tin cu haya mas herment, mas

calidad den enseñansa. Tin hopi cos pa haci. E prome lunanan di e aña cu ta bin, no lo

bay mira hopi. Pero den e aña cu ta bin, lo bay haya mas hende. Pa fin di aña lo bay mira

un diferencia mas grandi di con ta anda cu psikiatria na Aruba y pa Aruba.

INFRASTRUCTURA CHIKITO

PAAZ ta chikito, segun dr. van Galen. No por nenga cu tin cu renoba PAAZ hopi of ta

pensando riba dje, of toch cuminsa un tiki mas tempran cu un edificio nobo. Un edificio

nobo mester bin den futuro y ta bay tuma e decision den algun luna. Of ta renoba PAAZ

basta hopi of ta bay cuminsa cu un edificio nobo. Esey ta un cos cu no tabata e meta pa e

prome lunanan, pero no tin choice pa tuma e decision ey. PAAZ no mester bira hopi mas

grandi. E por bira un tiki mas grandi, pasobra si bo ta bay pone enfasis den ambulatorio,

kiermen pafo di PAAZ na Aruba tanto na San Nicolas como na Playa y ta bay bishita

hende den luga di warda pa hende, pasobra esey ta e vakteams cu ta bay bishita hende na

cas, bishita hende riba caya, bishita hende unda nan ta y unda nan ta hopi malo, e ora ey,

bo ta purba di evita pa haci PAAZ mas grandi dimas, pasobra camanan ta caro. Tin cu
wak bon e fondonan, con ta difini’e y tin cu wak bon hunto cu Gobierno tambe, con ta

defini e tareanan. Kico Respaldo ta haci, Kico verslavingszorg ta haci, unda ta e

limitenan di Respaldo, unda ta e limitenan di verslavingszorg y otro fundacionnan na

Aruba. Tin cu bay papia hopi cu otro con ta dividi e tareanan pa bienestar di Aruba.

NO TIN CIFRA