Page 3 - AHATA

DIALUNA 23 JUNI 2025 DIARIO PAGINA 13
Diadomingo a observa Aruba su

93 aña di desalinacion di awa

ORANJESTAD (AAN): E epoca di bebe awa di dam, awa di
poz, y awa di regenbak a finaliza 93 aña pasa na Aruba. E fecha
cu esaki a socede tabata 22 di Juni 1932, pues exactamente 93
aña cu pueblo a cuminza goza di desalinacion di awa riba e
isla. E tempo ey a cuminza desalina awa usando sistema di
vapor.
Esaki a wordo haci na e edificio di WVD (Water Voorzienings
Dienst) cu a ser construi unda awendia ta e final di WEB Dorp,
pues hopi cerca di e Pier pa bay De Palm Island. Despues na
1961 a cambia e nomber pa WEB (Water en Energie Bedrijf)
y e planta nobo y grandi a ser crea ey na Balashi mes.
Pesey mes, keto bay WEB Aruba NV ta gradici pueblo di
Aruba en general, tur su partner y pensionadonan en particular,
pa nan sosten y aporte.
Tambe un danki inmenso na staff y empleadonan di WEB
pa nan dedicacion y motivacion pa tur dia di nobo ofrece bon
servicio na clientenan y suministra awa di calidad halto y
coriente confiabel.
Awendia, awa ta wordo desalina usando sistema di SWRO,
esta Salt Water Reverse Osmosis.
Siman pasa tabatin ceremonia

di naturalisacion

ORANJESTAD (AAN): Diaranson anochi 18 di juni y diahuebs
anochi 19 di juni 2025 a tuma luga un ceremonia di naturalisa-
cion den hardin di Cas Ceremonial di Gobernador. E naturalisa-
donan a huramenta of haci promesa den presencia di Goberna-
dor di Aruba, Su Excelencia Alfonso Boekhoudt.
Cu esaki nan ta hura of declara y priminti di ta respeta
tur libertad, derecho y obligacion cu ta pertenece na e naciona-
lidad Hulandes. Participacion na e ceremonia di naturalisacion
ta e ultimo parti obligatorio di un proceso largo cu ta conduci
na obtene e nacionalidad Hulandes. E procedura pa haya na-
cionalidad Hulandes via opcion of naturalisacion ta inclui den
‘Rijkswet op het Nederlanderschap’.

Potretnan: © Kabinet Gouverneur Aruba