Page 20 - MIN ON OCT 19, 2015

AWEMainta Dialuna, 19 Oktober 2015 37

segun Minister Hooyboer-Winklaar ta splica,
pasobra esaki ta un di e areanan cu tin mas
reto.
E percepcion di matematica serca e
studiantenan no ta mucho bon, hopi hoben a
indica cu nan tin miedo di e vak, pero tambe
ta experencia e vak como uno “frustrante”.
Matematica ta forma un base hopi importante
pa tur mucha, e ta mas cu cifra, Minister
Hooyboer-Winklaar a subraya.
El a añadi cu matematica ta ofrece mihor
aceso na hasta musica y arte, y ta hunga un
rol esencial den e habilidadnan pa analisa y
pensa critico y profundo riba diferente area.

El a splica esaki den su discurso di introduccion
n’e maestronan tambe riba e di dos dia di e
sesionnan di introduccion. “Nos tin un
relacion problematico cu matematica,”
Minister Hooyboer-Winklaar a remarca.
El a splica cu na 2012, tempo cu e tabata
Minister di Asunto Social el a pidi CBS pa
haci un encuesta pa midi e percepcion di
muchanan di klasnan 4, 5 y 6 den habilidadnan
den diferente area, incluyendo diferente vak
cu nan ta haya na scol.

E resultadonan tabata un poco sorprendente
riba e tereno di matematica, y a indica
cu algo mester wordo haci pa bin cu
mehoracion.
Di e 4119 mucha di klasnan 4, 5 y 6 cu a
yena e encuesta, 5.8% a indica cu nan ta
sinti nan mes “dom” ora cu nan mester haci
matematica.
Un otro contesta cu ta causa preocupacion,
ta cu 16.8% di e muchanan homber y mas
di 20% di e mucha muhernan a bisa cu nan
ta “odia matematica”.
Minister Hooyboer-Winklaar a bisa cu si no
gara situacionnan asina ora cu e muchanan
ta den scol basico ta bira mas dificil pa
remedi’e ora cu nan ta sigui nan estudio.

Combina cu e introduccion di kerndoelen
pa rekenen/wiskunde, ta introduciendo
tambe e metodo nobo, di buki y werkboek,
“Wereld in Getallen.
A scoge pa e metodo aki, como cu e
schoolbestuurnan a haci nan evaluacion
y tur a bisa cu esaki ta esun cu nan ta sinti
ta un bon inversion. A inverti un suma
substancial den e adkisicion di e bukinan,
werkboeknan, etc. pa e scolnan.
Cu e kerndoelen di rekenen/wiskunde
introduci y esunnan pa taal y otro vaknan
na caminda, Minister Hooyboer-Winklaar a
finalisa bisando cu esaki ta un intervencion
cu sigura cu ta preparando e muchanan di
Aruba mas bon posibel pa sigui studia mas
leu posibel.