Page 11 - LOTTO JULY 15 2015

Minister Schwengle a bisa cu aworaki no por sigura nada, pasobra ta trata di un negociacion y
mester convence cu nan no tin nada di perde. E ta spera cu e grupo ta disponibel pa haci e
renegociacion.

Lotto ta bayendo bon si mira cu aña pasa nan a haya un entrada extra di mey miyon Florin. Y e
mandatario ta spera cu esaki por aumenta mas e aña’ki, mirando cu FFD lo mester bay haya mas
placa pa por inverti den e facilidadnan, mirando cu aña pasa a corta atras den subsidio di deporte
y tin dos aña atrasa den mantencion di facilidadnan. “Nos mester un ayudo grandi e añ’ki di
Lotto specialmente pa e mantencion,”Schwengle a duna di conoce.

E surplus di e aña’ki ainda e no a haya informacion for di Lotto di cuanto e lo bay ta. E omzet di
Lotto ta rond di 40 miyon Florin di cual un gran parti ta bay na administracion, pago di
premionan (varios Arubiano a bira miyonario), Canadian Bank ta haya su pago. Pa cual e
mandatario ta kere cu Aruba por haya varios porciento mas pa hinca den deporte.

http://www.diario.aw/2015/07/minister-schwengle-tratando-di-renegocia-contracto-cu-canadian-bank-
tin-cu-lotto/