Page 2 - MIN JUS

Polis a scual homber cu a activa flare y gaña na DRH

Wednesday, 24 February 2016 18:54
Tweet
Comparti

Un Homber a haya un scual di Polis ora a descubri cu el a gaña.

Polis a bay buske te pafo y lante for di soño den su auto. Prome informacion cu a drenta tabata cu un
hende a cende algo straño pafo di Departamento di Recursonan Humando di Gobierno na Eagle. Esaki el
a haci net ora cu e hefe di e departamento a sali. Parce cu e homber aki y su pareha tin dos dia ta bin na e
departamento pa atende un cu e otro di pago di banco cu ta wordo kita for di salario. E proceso di pago
mester cana e caminda corecto ora bo debe banco. DRH no por haci cambio con cu ta riba peticion di tur
empleado publico. Parce e dia prome e pareha aki tabata tey caba. Diaranzon nan a bolbe. Kizas ora e
homber a mira e hefe di e departamento sali e lo kier a spante y a saca e flare y cende. Masha hopi huma
a sali. El a spanta e trahadornan paden. E hefe mes cu a subi su auto a keda mira e homber den auto. Su
pareha mes a bay paden pa wordo atendi pa empleadonan di DRH riba e servicio cu el a bin busca atrobe.
Polis a bay atende cu e hefe suplente trahando e momento ey. Un parti di e obheto a wordo entrega na
polis. Polisnan a cuminsa investigacion na e sitio mes. Na DRH no por comete fechoria con cu ta. Tin
varios camara di seguridad y den e caso aki tur cos a wordo graba. A resulta cu ta e homber drumi pafo
den auto wardando su pareha a cende of activa e flare cu masha huma. Algo cu ta prohibi pa ley tambe.
Parce e lo kier a intimida e hefe di DRH na su salida. Polis a bay bek pafo y asina a lanta e homber den
auto cu airco cendi. A bise bin paden un rato. El a copera tambe. Ora cu a cuminsa splike riba e asunto di
flare etc el a nenga mesora. Despues cu a mustre kiko el a haci y cu tur cos ta graba, e no por a nenga mas
y a admiti. El a gaña na prome instante. Polis a atende cune seriamente riba su actuacion. No ta descarta
cu e por wordo persigui tambe pa su actuacion pero tur cos ta depende. Mientrastanto su pareha mes a
wordo atendi paden dor di e personal di DRH cu a dune e servicio cu el a bin busca relaciona cu cambio
di salario di un banco pa otro y pagonan cu mester tuma lugar cual DRH ta responsabel pe.