Page 4 - MIN JUS

Secretario di Estado Richard van Zwol di bishita cerca
Minister Arthur Dowers

Wednesday, 24 February 2016 17:47
Tweet
Comparti

Diabierna ultimo Minister di Husticia Arthur Dowers a reuni cu Secretario di Estado pa Asuntonan
Interino di Hulanda, Richard van Zwol.
Ministerio di Husticia di Aruba ta traha hopi estrecho cu "Binnenlandse Zaken" y "Justitie" di e otro
paisnan den Reino Hulandes, y semper tin temanan di interes comun pa discuti.
Minister Dowers a laga sa cu entre otro e biaha aki nan a combersa tocante evaluacion di e
"rijkswetten"mas specifica. A papia di e “rijkswetten”i e evaluacion di e leynan y e
recomendacionnan cu a wordo haci pa mehora e funcionamento.
Otro temanan cu a bin dilanti den e reunion tabata Kustwacht, Landsrecherche, y e cooperacion cu
Marechaussee. E mandatario a confirma cu su ministerio tin un bon relacion cu "Binnenlandse
Zaken" y e reunion a bay den un ambiente ameno.
Ademas a discuti e opcionnan pa cu asistencia for di expertonan Hulandes, particularmente pa cu e
cooperacion riba e tema integridad, di e aparato gubernamental y funcionamento di prizon. Tambe a
analisa e posibilidad di intercambio di personal paun periodo cortico pa intercambio di conocemento.
Van Zwol tambe a expresa cu Hulanda ta dispuesto pa coopera cu e parti di prizon si bin un peticion for
di e direccion ey.

http://www.24ora.com/local-mainmenu-5/105641-secretario-di-estado-richard-van-zwol-di-bishita-
cerca-minister-arthur-dowers