Page 14 - AM230323

14 DEPORTE AWEMainta Diahuebs, 23 Maart 2023

Glovers ta bira campeon di Torneo

Himno y Bandera Liga 60 na Aruba Juniors

fin di siman cu a pasa a tuma luga, na compleho deport-

E ivo Aruba Juniors, e finalnan di Copa Himno y Bandera
2023 organisa pa SV Aruba Juniors. Den e finalnan a partic-
ipa Bonaire Stars y Los Amigos di Corsou. E dos teamnan no
tabata competencia pa e teamnan di Aruba mirando cu nan

a keda na ultimo luga di nan poole. Diasabra Glovers ta pasa
pa final ganando Aruba Juniors y Bonaire Stars 4-1 y 6-2
respectivamente. Astros tambe a clasifica pa final ganando
Surprise cu score di 8 pa 0 y despues ta gana Los Amigos di

Corsou den tie break 5-4. E final cu a tuma luga diadomingo
tabata un revancha entre Astros y Glovers mirando cu aña
pasa Astros a bay cu e titulo.

Ya den di dos inning Glovers ta duna su pitcher estelar Mario
Wester un bentaha di 2-0. Den cabes di 5 Astros ta crusa
plato 4 pa tuma ventaha 4 pa 2. Un liña den center, di Rudi
Carti, cu ta extende te na cura tabata bon pa un “in the park

homerun” y corta e bentaha di dos careda y haci e wega
4-3. Den inning 6 Mario ta domina e batiadonan di Astros
pa sali facil di e inning. Den bom di 6 inning Dennis Willeford
ta dal hit pa manda Robert Haynes tercera base. Robert ta

score riba hit di Sonny Hurtado pa haci e wega 4-4. Riba un
eror den tiro ta laga Dennis score e careda di bay ariba 5-4.
Mester bisa cu e final tabata un bon wega yena cu emocion.

Cu e resultado aki Glovers ta bira campeon di e torneo y
Astros ta keda como subcampeón. Den e wega pa di 3 luga
Surprise ta gana Aruba Juniros 8 pa 4. Directiva di Aruba
Juniors ta gradici tur team cu a participa na nan torneo y tur

otro persona cu na un of otro manera a coopera pa e torneo
tabata un exito.