Page 46 - MIN ON_Neat

Gino Goeloe contento cu e sosten cu e programa di educacion
sexual a haya

Thursday, 29 June 2017 22:08
Comparti

E programa di educacion sexual na scol, ta yegando su fin y Wit Gele Kruis tabata activamente den dje. E
programa aki ta uno largo. Ta un programa aki tin mas di 10 aña

caba ta bezig pa bin cu concientisacion pa muchanan na scol. Na 2013 a cuminsa mas oficial cu un
congreso masha grandi mes den Cas di Cultura, unda cu a introduci e palabra sexualidad na scol, cu
tabata algo cu tur hende a spanta. Pero awor aki despues di 4 aña, den 2017, tur hende ta sinta comodo ta
combersa riba e palabra aki.

Dia cu Gino Goeloe, director di Wit Gele Kruis, el a trece esaki padilanti den directiva di SKOA, ora cu
menciona sex caba, tur hende a keda keto, ta wak otro banda, wak porta, wak plafond, pero ta algo cu ta
pasando y sigur cerca nos muchanan mas hoben, cu ta esunnan mas vulnerabel, y ta papiando di e
tienermoedernan cu ta topa cun’e.

Pesey e programa aki a bin tambe. Pesey a busca tur experto cu por conoce di Hulanda, di Corsou, di
Boneiro y St. Maarten na 2013. E congreso tabata cinco dia, unda cu a duna informacion na tur e
personanan cu tin di haber cu educacion y tur e partnernan den veld tambe cu tin di haber cu e parti di
educa muchanan, den e caso aki Telefon pa Hubentud, FADA, tambe Tienda di Educacion. Tambe por a
mira coleganan di Hospital y naturalmente Departamento di Enseñansa, etc. Esakinan ta forma parti di e
exito di e programa aki.
Pero no a para keda na 2013. A sigui cu 2014, unda cu a laga SKOA, den e caso aki a bay scol, y nan a
scoge locual cu nan kier y eynan a sali afo cu sra. Damond di Corsou cu su programa na Corsou, cu ya
tabata draai e tempo ey cinco aña caba. E docente y directivanan di scol, SKOA den e caso aki, a dicidi cu
ta bay cu Biba Amor, di Varetza Damond. Goeloe a gradici sra. Damond pa tur e añanan aki cu tabata tey.
E ta un persona conoci cerca e scolnan di SKOA.

Ora cu a acerca sra. Damond cu e escogencia a cay cu su programa, el a acepta man habri y te dia di awe,
ta bayendo hopi bon, segun Goeloe.

Awe a cera cu algo cu a warda p’e hopi aña, cu ta e programa cu a introduci aña pasa na e scolnan, cu e
trainingnan cu Damond a duna, y tambe cu e resultado. A haci un voormeting y awor ta bay haya sa di e
na meting. Con e alumnonan ta den 5de y 6de klas, con a bay cu e programa Biba Amor. Esey ta
interesante pa sa, cu kico e programa aki a nifica pa e muchanan.

Te cu aña pasa tabata tin 92 tienermoeder, cu ainda pa Goeloe ta hopi. E aña anterior tabata 92, pero tur
e otro añanan tabata riba 100. Cu nos ta bao di 100, desde 2 aña pasa, pa Goeloe ta aleluya. Cu e
programa aki, e meta lo ta pa e bira 50/40. E deseo semper lo ta pa e keda 0. Pero nos ta biba den un
mundo cu no ta realistico cu lo ta 0. Pero ta desea pa tin 0 mucha bao di 18 aña cu ta sali na estado.