Page 48 - MIN ON_Neat

Leslie Merkies: Adivinanza/Charada no 2.

Thursday, 29 June 2017 21:32
Comparti

++ Ken ta e persona femenino (awe cu POR) cu hopi corahe, sin lo minimo grado di berguenza y cu dos
cara, ora cu e kier a drenta politica activo na aña 1997
a bin chupa cerca AVP pa un number halto riba lista, mientras e tabata chupando y negociando un
number riba lista di MEP, y na final a resulta riba lista di MEP?
++Ken ta e persona femenino (awe cu POR) como Ministro di Infrastrucura a formula un nota di
maneho na november 2001 y aprob’e te na oktober 2002 pa combati tur sorto di ilegalidad y
iregularidad relaciona cu trabaonan di construccion cu y riba tereno eigendom y di Gobierno, pero
supuestamente pa motibo di cobardia politico of pa laga espacio pa su propio agenda politico mafioso no
a implementa e recomendacionnan?
++ Ken tabata e persona femenino (awe cu POR) como Ministro di Infrastructura (DIP) a otorga na
ciudadano sr. Morris, q.e.p.d. y famia den formanan masha compromete y cuestionable hopi tereno
erfpacht (prime-land) te cu ciudadano sr.Morris na bida den e Pokerroom di Holiday Inn, corto tempo
despues cu MEP a perde eleccion, a expresa abiertamente cu: “ MEP por a perde eleccion, pero cu Morris
si a gana hopi tereno”?
++ Ken ta e persona femenino (awe cu POR) di kende tanto den MEP como den AVP ta wordo bisa di ta
un hende sumamente dominante y cu un caracter hopi frega y dificil, ta un “manda-mas” riba su mes y cu
no por a anda (optrekken) na un manera bon cu los demas y cu ta pesey e calificacion di “broedende kip”
di e tempo aya supuestamente lo ta pas cu su persona?
++ Ken ta e persona femenino (awe cu POR) ta conoci como e tirador di mokete den Parlamento y
despues supuestamente a inventa un storia contrario na berdad y dudoso (increible) pa trata na defende
su peyeho?
++ Ken ta e politico femenino (awe cu POR) cu supuestamente tin hopi rabia den su curpa, pasobra su
ruman muhe no a bira director di Tele-Aruba, despues cu Toko a sali fo’i e funcion ey?
++ Ken ta e politico (awe cu POR) cu a mustra cu su actitud egoista, odioso, rencoroso, tanto den MEP
como den AVP, di ta un politico cu no ta di confia y cu observando tur su hacinan politico, a mustra di a
drenta politica activo desde un principio pa sirbi su mes na promer,na di dos y tercer lugar, y semper?
Leslie Merkies, Morgenster 51,