Page 10 - AM211009
P. 10
10 AWEMainta .com Diasabra, 09 October 2021
Dos persona herida den accidente serio riba cruzada
conoci den Emmastraat cu Rudolf Arendsstraat
Diahuebs atardi den careda di 5’or, Polis a
bay pura n’e cruzada conoci pa accidente
cu ta Emmastraat cu Rudolf Arendsstraat.
Riba dicho cruzada un accidente basta
serio a sosode y tin hende herida.
Ambulance tambe tabata na caminda y
un rato despues un di dos ambulance a
wordo pidi, debi cu den ambos vehiculo
tin persona herida.
Manera den casonan anterior, falta di
preferencia a hunga un rol. E autonan
envolvi ta un Nissan Versa y un Nissan
March.
Por mira cu e Nissan Versa den e impacto
a perde control y dal contra cura di un cas
kibrando esaki.
Un parti di e cruzada a wordo sera p’asina
Paramediconan por a haci nan trabou y
tambe Polis di Trafico cu a presenta.
Asina por mira cu despues di “basta” tempo
e cruzada aki ta keda uno unda tin persona
no ta pone atencion riba e borchinan di
trafico of atencion den trafico.
