Page 73 - MIN ARENDS

MInister Richard Arends "Control di prijs di productonan
den sector economico ta tambe pa haci e consumidor

consciente di su interes y beneficionan"

Tuesday, 13 June 2017 18:59
Comparti

Minister Richard Arends di Asuntonan Economico a duna un splicacion di e control di prijs cu ta
tumando lugar den e dianan aki door di Departamento di Asuntonan Economico pa loke ta productonan
di e canasta basico y tambe indicacion di prijs. Aparte di e control aki e departamento ta haci den forma
di steekproef varios control riba supermercadonan pa loke ta productonan cu no ta di e canasta basico.

E resultadonan aki ta wordo publica cada kwartaal y e idea tras di esaki ta pa haci e consumidor mas
consciente di su interes y beneficionan. Minister Arends: "Pa e motibo aki nos tin e Departamento di
'Huur- en Consumentenbescherming' como tambe Departamento di Asuntonan Economico pa loke ta
trata prijs. Ora un supermercado no ta cumpli cu reglanan di gobierno e ta haya un aviso sigui pa mas y si
ainda e no cumpli ta bay over na traha un procesverbaal, parti un boet y por yega asina leu cu por revoca
e permiso di e establecimento." Minister Arends: "Mi mester bisa cu esey no ta sosode asina lihe ya cu
sector comercial na Aruba ta masha cooperativo pa loke ta trata e asuntonan aki." Minister Arends a
remarca cu e controlnan di Departamento di Asuntonan Economico ta pa salvaguardia interesnan di
tanto gobierno como di e consumidor y cu nan no ta keda limita na supermercado so, pero tambe ta
wordo haci den otro sectornan den economia di Aruba.