Page 41 - JUS

nos frontera o sea, aeropuerto y waf (Barcadera). Ta autonan cu ta bay den uzo
pa patruya den vecindario di e facilidadnan aki. Naturalmente waf cu ta un
tereno mas grandi como tambe na aeropuerto si mester atende cualkier
incidente”, asina e mandatario a splica.
Minister Dowers ta sigui bisa cu na e fronteranan e trabao di cuerpo policial ta
uno di implementa. “Den otro palabra, no ta papia di prevencion sino
implementacion, o sea, pone ordo y siguridad na nos fronteranan. Banda di e
grupo aki tin un grupo mas grandi cu ta e martiu hudicial. Nan ta traha
realmente pa sigura nos fronteranan y e autonan aki ta bay yuda pa nos ta
presente den tur skina”.
Alto Comisario interino, Vanessa Tjon a duna di conoce cu e ta hopi importante
pasobra ta hayando 2 auto cu por haci hopi bon uzo di nan, den e caso aki na
departamento di Polis di frontera. “Nos tin experiencia cu autonan y sa cu
pickup ta duradero. Bo ta mira cu nan ta bay mas largo cu otro autonan”.
“Nos lo haci sigur bon uzo di nan y na un bon manera. E departamentonan aki
hopi biaha ta core cierto riesgonan mirando cu nan ta na frontera di e isla y hopi
biaha nos mester facilita nan tambe cu e material cu nan mester”, asina e
Comisario di Polis a agrega.
Cuerpo Policial Aruba ta masha contento cu e dos autonan nobo aki pa nan
trabao na aeropuerto como tambe na Barcadera. E intencion di e dos pickupnan
aki ta pa nan yega caminda cu e modelonan Hyundai Santa Fe, cu e
departamentonan ey ta uzando ainda, no por yega.