Page 32 - 11aug23

PAGINA 32 DIARIO DIABIERNA 11 AUGUSTUS 2023
Seis studiante durante 4 luna lo ta stagiaire den restaurantnan Michelin Stars
Aruba Marriott Resort y AHATA ta crea oportunidad unico pa

studiantenan di E.P.I. den e ramo culinario

ORANJESTAD (AAN):
Aruba Marriott Resort ta
sumamente orguyoso di re-
cientemente por a sostene un
di Marriott International su
balornan fundamental, cual
ta pa sirbi e comunidad.
Por medio di esaki,
Aruba Marriott y su Com-
plex General Manager,
Raoul Lemmerling, con-
huntamente cu AHATA y su
Presidente, Tisa LaSorte, a
dicidi di acerca E.P.I sector
Horeca, pa asina invita seis
di nan top studiantenan den e
area culinario pa forma parti
di un oportunidad unico den
‘partnership’ cu Michelin
Star Chef, François Geurds,
kende ta doño di dos restau-
rant cu tin Michelin Stars na
Rotterdam, Hulanda.
Aruba ta desaroy-
ando continuamente den
ambos e ramo di turismo y
tambe esun culinario, y cu
esaki, AHATA ta contento
di por aporta na e studiante-
nan culinario di E.P.I. pa por
brinda e oportunidad di traha
conhuntamente cu François
Geurds durante tres evento
na Aruba Marriott.
Entre e seis studi-
antenan participante, dos di
nan a wordo selecta pa chef
Geurds, pa asina bay Hulan-
da y sigui traha cu e chef den
un programa di cuater luna
como stagiaire den un di su
restaurantnan cu tin dos Mi-
chelin Stars.
E dos studiantenan
selecta a keda na nomber
di Jofre Ridderstaat y Yvan
Curiel. Aruba Marriott, E.P.I
y AHATA ta felicita e studi-
antenan aki kende a demon-
stra nan habilidadnan na chef
Geurds y awo ta cla pa bay
Hulanda pa nan stage cu con-
tribucion di Aruba Marriott y
AHATA pa nan estadia.
Esaki sigur lo ta un
temporada yena di enseñansa
y cu lo enrikece nan sabidu-
ria y capacidadnan den e area
culiniario na nivel halto.