Page 14 - bon-dia-aruba-20220913

A14 deporte
Diamars 13 september 2022

Campeonato di softball 2022 – 2023 a start

Diasabra ultimo den oranan di anochi na veld di Pos Chikito a
tuma luga e gran apertura di campeonato di softball ‘fast pitch’
di Aruba Softball Bond. E entusiasmo ta grandi, un total di
binticuater ekipo; 15 den double A, 6 den A-Klas y 3 di damas
ta competi pa e titulo maximo di Aruba Softball Bond. E aña
aki e campeonato ta dedica na Regino Amaro Irausquin y sra.
Shirley Mariela Irausquin, dos atleta hopi conoci na Aruba
tempo nan tabata hunga softball. Minister Endy Croes a hiba
un bon discurso dirigiendo na nos ateletanan di softball pre-
sente, pa semper kere den bo mes y aplica semper e 4D cu ta
Deseo, Disciplina, Dedicacion y Determinacion pa logra tur
bo metanan den deporte. Presidente di ASB sra. Zuleyka Wil-
lems tambe a hiba palabra y gradiciendo tur presente pa nan
aporte na softball y cu ASB ta trahando duro pa e campeonato
aki. E mandatario a lansa e prome bala pa decreta e campe-
onato oficialmente habri. Prome wega tabata entre ekipo di
Eagles y Lady Tigers den e categoria femenino.

Aruba Bank ta hunga golf pa un bon causa

Ekipo di golf di Aru-
ba Bank a bini hun-
to pa participa den e
Over the Moon Char-
ity Night Golf Tourna-
ment di Kiwanis Club
of Palm Beach pa yuda
recauda fondo pa ob-
ranan di caridad.

E ekipo a hunga un bon
competencia y a pasa un
rato ameno tur pa un bon
causa. Ademas di yuda pa-
trocina e evento, Aruba
Bank ta contento di por a
uni e talento “den cas” pa
competi den un actividad
comunitario deportivo cu
un meta pa yuda recauda
fondo pa obranan di cari-
dad.

Nos ta felicita Kiwanis
Club of Aruba cu un tre-
mendo torneo pa un bon
causa y ta felicita nos
campeonan, Herman
Brown, Lucio Maduro,
Lisette Danker y Bryan
Nemecek pa nan bon tra-
bou. #WeCare