Page 31 - AHATA

6 AWEMainta Diaranson, 22 Januari 2020

Turismo balansa;

Topico di AHATA su asamblea general

Aruba Hotel & Tourism Association (AHATA)
su asamblea general di januari a inclui orador
internacional, experto den biahe y turismo sostenibel,
sr. Doug Lansky. E tema di su presentacion tabata:
Turismo Balansa.

Doug Lansky a presenta puntonan di enfoke pa por tin
exito duradero den turismo y a reta sector priva y Gobie
no pa tuma decision cu ta sigura turismo balansa.
El a defini futuro exito den turismo como un
combinacion di esfuerso pa: Proteha calidad di bida
di e residentenan, maximalisa e impacto economico
local, eleva e experiencia di e bishitante y proteha nos
recursonan unico.

Durante su presentacion el a enfatisa cu nos tur mester
pensa riba termino largo, cu curashi y resposabilidad pa
por tin un economia sostenibel exitoso y un comunidad
den harmonia. Aruba tin hopi exito y potencial, pero
mester tuma decision dificil pa drecha e cosnan cu ta
causa daño na nos recursonan natural.
Ademas Doug Lansky ta sugeri pa maneha e fluho
di cantidad di persona pa por ofrece experiencia
autentico na nos bishitantenan. El a splica cu e palabra
“overtourism” no ta corecto, pasobra e desafio ta na
cierto lugar y na cierto momento y no na tur lugar na
tur momento.

Pa tal motibo e ta prefera pa identifica e problema cu
mester di atencion como “unbalanced tourism”.
E presentacion a inclui efecto di ‘Flight Shame’ riba
turismo y impacto di turismo crucero na un destinacion.
Na final di e presentacion miembronan por a haci
pregunta na sr. Lansky y e asamblea a culmina cu un
momento di network pa intercambia reaccion y idea.
AHATA ta gradici anfitrion: Aruba Marriott Resort &
Stellaris Casino y sponsor: KLM.

Tocante Doug Lansky:
Doug Lansky ta un autor, orador aclama y un lider
den turismo sostenibel, inovacion, tendencianan y
desaroyo di destinonan. El a biaha pa mas di 120 pais.
E ta autor di 10 buki. Ademas, tabata anfitrion di un
programa na Travel Channel y tabata coresponsal p’e
programa Savvy Traveler di Public Radio.