Page 18 - AHATA

Esey ta poni den un relato cu Forbes Magazine a divulga e siman aki. Nan ta mustra cu
en general, e placanan crypto y nan mercado di $375 mil miyon por yuda revitaliza
Caribe, cu ta un region cu ta wordo plaga pa un crecimento economico hopi poco-poco
y e nivelnan halto di debe den añanan recien.

Hecho ta cu tin como 50 isla cu hunto ta forma British Virgin Islands, y nan a confia pa
hopi tempo riba e Dollar Mericano desde fin di decada di 1950.

Pero e moneda nobo di e isla lo bay wordo vincula uno-pa-uno cu e Dollar Mericano den
henter su teritorio. E placanan crypto tin un ventaha unico den Caribe, segun
CultureBanx a raporta, pasobra nan por evita facilmente e estorbo di mas grandi pa e
espacio, cu ta reglamentacion gubernamental.

Economianan di Caribe ta depende hopi riba comercio unda e Dollar Mericano keto bay
ta reina na forma supremo. Startupnan manera Bitt cu sede na Barbados y Banconan
Central di Caribe, a studia e creacion di placa digital pa yuda stimula e comercio

regional.

Ryan Peterson kende ta General Manager pa Economic Policy na Banco Central di Aruba
a pronostica cu e introduccion di un sistema di moneda digital lo conduci na un

crecimento di GDP di 4.5% pa Aruba. Esey ta hopi significante, considerando cu e
region no a mira un crecimento di mas di 0,5% den mas di 20 aña, segun Cayman
France.

Forbes Magazine ta mustra cu British Virgin Islands ta un di e mercadonan di placa di
crypto mas grandi di mundo pa volumen na Dollar, segun CoinShares.

Sinembargo otro islanan di Caribe manera Puerto Rico a mira un gran aumento den

cash relaciona cu placa di crypto, cu ta den man di e entidadnan International Financial
Entities (IFE). Por a mira con e IFE aki a subi cu $3.3 biyon na final di 2017, compara
cu e $191 miyon di un aña prome.

E exchange di Bitfinex ta basa na British Virgin Islands y recientemente a acerca Noble
Bank di Puerto Rico pa tuma e mantel bao nan custodia, segun Bloomberg a raporta.