Page 23 - AHATA

Russell ta general manager di Deja Vu Resorts na Montego Bay, y el a bisa cu e
posicion ey lo por tin un impacto hopi negativo riba e marca “Jamaica”, si acaso e no
wordo maneha corectamente.

E kiermeen cu tur hende ta bende e marca Jamaica, pues si algo bay malo, e lo no ta
djis un cas na Montego Bay of un comunidad na Westmoreland… ta Jamaica lo haya e
nubia scur riba dje.

Pesey e ta mustra cu mester bin cu un minimo na standard di seguridad.

Pues si acaso Gobierno ta cobra Hotelnan un tax di $1 pa anochi, e ora esnan cu tin
Airbnb tambe mester paga e tax ey, pasobra aunke el a cuminza cu un plataforma

digital pa ciudadanonan por huur un camber, el a explota awor den algo mucho mas
grandi cu esey.

TEMOR:

Segun JHTA, e mercado ta cambiando, pues tin puntonan pro y tambe contra na
dje. Usando Airbnb nifica cu bo ta bayendo directo pa e cliente, envez di usa un tour
operator, pues e tin su beneficionan.

Awor tanto operadornan chikito, mediano, y grandi ta usando e plataforma di Airbnb y
esey ta loke ta awor e competencia, pero nan temor di mas grandi ta cu e ta
exponiendo Jamaica na cierto riesgonan.

Pero toch parce cu tin cierto hende den Gobierno Jamaiquino cu no ta sostene e idea pa
introduci tax riba esnan cu tin Airbnb. Gobierno ta pensa cu tanten no tin un problema
inmediato cu ta suficientemente serio pa rekeri reglamentacion, e ora nan lo kier pa e

industria di Airbnb crece organicamente sin ningun accion adverso.

A sali na cla cu tin varios persona poderoso cu ta operando lugar riba Airbnb y ta
cobrando tarifa halto di como US$5.000 pa anochi pa un villa.

E hendenan ey ta sconde tras di cortina comosifuera nan ta doño di un cas, pero
realmente ya aki nan ta un comerciante. Un hende chikito cu no ta comerciante, no por