Page 25 - AHATA

Raymond Knops ta bishita Aruba otro

siman atrobe

Posted on 01/6/2020 6:02 pm AST | Updated on 01/6/2020 6:04 pm AST

DEN HAAG – Minister pa relacionan di Reino Hulandes Raymond Knops ta na caminda
pa Aruba atrobe. Minister plenipotenciario pa Aruba Guilfred Besaril a confirma esaki pa
noticiacla.com dialuna. Segun schedule e ta yega Aruba diadomingo 12 di januari 2020 y
tin reunionan henter dia e dialuna dia 13. Su manese e ta biaha pa Corsou. Ultimo biaha
cu e tabata na Aruba tabata na april di aña pasa, y e tabata secretario di estado y no
minister. E biaha aki e ta bin pues cu un ‘titulo’ diferente. No ta kere cu esaki lo ta un
diferencia grandi si. E agenda di e mandatario no ta conoci ainda, aunke por spera
bishitanan comun manera Gobernador, Premier y posiblemente Parlamento. Durante e
bishita ultimo a toca e tema di CAFT, y e areglo pa haya un ‘zachte lening’ durante su
conferencia di prensa. Potret ta di archivo di noticiacla di e ultimo bishita.